మెదక్, వెలుగు: బీఆర్ఎస్పార్టీ చలో హైదరాబాద్పిలుపు నిచ్చిన నేపథ్యంలో శుక్రవారం జిల్లాలోని ఆ పార్టీ నాయకులను పోలీసులు ఎక్కడికక్కడ ఆరెస్ట్ చేశారు. మెదక్ టౌన్ కన్వీనర్ మామిళ్ల ఆంజనేయులు, మున్సిపల్ వైస్ చైర్మన్ మల్లికార్జున గౌడ్, కౌన్సిలర్లు కృష్ణారెడ్డి, ఆర్కే శ్రీనివాస్ జయరాజ్ ను పోలీసులు అరెస్ట్ చేశారు.
హవేలి ఘన్పూర్, మెదక్ మండల పార్టీ అధ్యక్షుడు శ్రీనివాస్, నాయకులు జయరాం రెడ్డి, నాయకులు సాప సాయిలు, ఆంజనేయులు, ప్రభాకర్, ఎలక్షన్ రెడ్డి, నవీన్, శ్రీనివాస్ గౌడ్ ను అరెస్ట్ చేశారు. నిజాంపేట, కొల్చారం, చిన్నశంకరంపేట తదితర మండలాల్లో బీఆర్ఎస్ నాయకులను అరెస్ట్ చేశారు.
బీఆర్ఎస్ పార్టీ జిల్లా అధ్యక్షురాలు, మాజీ ఎమ్మెల్యే పద్మా దేవేందర్ రెడ్డిని హైదారబాద్ కొంపల్లిలోని ఆమె ఇంటిలో హౌజ్అరెస్ట్ చేశారు. ఈ సందర్భంగా ఆమె మాట్లాడుతూ ఎమ్మెల్యే కౌశిక్ రెడ్డిపై దాడికి పాల్పడిన వారిని అరెస్టు చేయకుండా బీఆర్ఎస్ శ్రేణులను అరెస్టు చేయడం అప్రజాస్వామ్యమన్నారు.
