2010 నుంచి 2020 వరకు దేశంలో సుమారు 2.66 లక్షల హెక్టార్ల అటవీ ప్రాంతం పెరిగినట్లు ఫుడ్ అండ్ అగ్రికల్చర్ ఆర్గనైజేషన్ (ఎఫ్ఏఓ) విడుదల చేసిన స్టేట్ ఆఫ్ ఫుడ్ అండ్ అగ్రికల్చర్ నివేదికలో పేర్కొంది.
అటవీ శాతం పెరిగిన తొలి 10 దేశాల్లో మొదటి, రెండు స్థానాల్లో చైనా, ఆస్ట్రేలియాలు ఉన్నాయి. మూడో స్థానంలో భారత్ ఉంది. ఆ తర్వాతి స్థానాల్లో చిలీ, వియత్నాం, టర్కీ, అమెరికా, ఫ్రాన్స్, ఇటలీ, రొమేనియా ఉన్నాయి.
చైనాలో 19,37,000 హెక్టార్ల మేరకు అటవీ విస్తీర్ణం పెరిగినట్లు రిపోర్టు తెలిపింది. ఆస్ట్రేలియాలో 4,46,000 హెక్టార్ల మేరకు అటవీ ప్రాంతం పెరిగింది.
భారతదేశంలో నిర్వీర్యం అవుతున్న నేలల్లో ఇన్నోవేటివ్ పద్ధతుల ద్వారా అటవీ విస్తీర్ణాన్ని పెంచుతున్నట్లు ఐక్యరాజ్య సమితి తెలిపింది. చాలా వరకు దేశాల్లో అటవీ నిర్మూలన తగ్గినట్లు ఈ రిపోర్టు తెలిపింది.
