పెద్దపల్లి పార్లమెంటరీనియోజకవర్గ వ్యాప్తంగా కేంద్ర మాజీ మంత్రి స్వర్గీయ కాకా వెంకటస్వామి జయంతి వేడుకలు ఘనంగా జరిగాయి. పెద్దపల్లి, మంచిర్యాల, చెన్నూరు, బెల్లంపల్లి, రామగుండం, ధర్మపురి,మంథని నియోజకవర్గాల్లో జరిగిన వేడుకల్లో కాకా అభిమానులు, కాంగ్రెస్ పార్టీ నాయకులు పాల్గొన్నారు. పలు ప్రాంతాల్లో అన్నదాన శిబిరాలు.. రక్తదాన శిబిరాలు ఏర్పాటు చేశారు. పెద్దపల్లి నియోజకవర్గ వ్యాప్తంగా 5 వేల మందికి అన్నదానం చేయగా.. 200 మంది కాంగ్రెస్ కార్యకర్తలు.. కాకా అభిమానులు రక్తదానం చేశారు. తెలంగాణకు కాకా చేసిన సేవలు ఆదర్శనీయమని కొనియాడారు.
