- ఫుడ్ లైసెన్స్ లేకుండా నిర్వహిస్తే చర్యలు
హైదరాబాద్, వెలుగు: ఫుడ్ లైసెన్స్ లేకుండా హాస్టల్స్ నిర్వహిస్తే కఠిన చర్యలు తీసుకుంటామని ఫుడ్ సేఫ్టీ అధికారులు హెచ్చరించారు. హైదరాబాద్ నగరంలోని పలు ప్రైవేట్ హాస్టల్స్లో ఫుడ్ సేఫ్టీ అధికారులు తనిఖీలు చేస్తున్నారు. మూడు రోజుల్లో 15 హాస్టల్స్పై దాడులు నిర్వహించారు. ప్రతీ హాస్టల్లో ఏదో ఒక సమస్య ఉన్నట్టు గుర్తించారు. కిచెన్ నుంచి దుర్వాసన వస్తుండటంతో నిర్వాహకులపై అధికారులు ఆగ్రహం వ్యక్తం చేశారు. బుధవారం మాదాపూర్ అయ్యప్ప సొసైటీలోని ఆరు హాస్టల్స్లో అధికారులు తనిఖీ చేశారు.
ఎక్కడ కూడా ఫుడ్ సేఫ్టీకి సంబంధించిన ప్రమాణాలు పాటించలేదని అధికారులు తెలిపారు. మమతా ఉమెన్స్ హాస్టల్.. లైసెన్స్ లేకుండానే కొనసాగిస్తున్నట్టు చెప్పారు. కిచెన్, ఫ్రిజ్ నుంచి దుర్వాసన వస్తున్నదన్నారు. డ్రింకింగ్ వాటర్ పీహెచ్ 8.45 వచ్చిందని తెలిపారు. తిరుమల మెన్స్ హాస్టల్లో కిచెన్ క్లీన్గా లేదన్నారు. 7 మెన్స్ పీజీ హాస్టల్స్లోనూ ఇదే పరిస్థితి ఉందన్నారు. ఫుడ్ లైసెన్సులు లేకుండానే హాస్టల్స్ నడిపిస్తున్నారని చెప్పారు.
హరి హెవెన్ లగ్జరీ హాస్టల్లోనూ కిచెన్లో దుర్వాసనతో పాటు ఎక్స్పైర్ ఐన ఆహార పదార్థాలు లభ్యమైనట్టు తెలిపారు. అలాగే, కుళ్లిపోయిన కూరగాయలు గుర్తించామన్నారు. శ్రీలక్ష్మి మెన్స్ హాస్టల్కు ఫుడ్ లైసెన్స్ లేదన్నారు. కిచెన్ క్లీన్గా లేదని, ఫుడ్ ప్రమాణాలు పాటించట్లేదని చెప్పారు. ఆర్3 కోలివ్లో కలర్లు, గ్రీన్ చిల్లిసాస్, టమాట సాస్లో నాణ్యత లేదని తెలిపారు. హాస్టల్ నిర్వాహకులందరికీ నోటీసులు జారీ చేశామన్నారు. శాంపిల్స్ సేకరించి ల్యాబ్కు పంపించామన్నారు. క్వాలిటీ ఫుడ్ సర్వ్ చేయకపోతే 040–21111111కి కాల్ చేయాలన్నారు.
