బ్రాండెడ్ హోటల్.. డర్టీ కిచెన్

సిటీలోని పలు హోటళ్లు, రెస్టారెంట్లు క్లీన్ గా లేవు
పెద్ద హోటళ్లలోనూ శుభ్రంగా వండట్లే
చాలా వాటిలో కుళ్లిన మాంసంతో తయారు
గడువు తీరిన ఆహార పదార్థాల వాడకం

‘‘సోమాజిగూడలోని కృతుంగా, హెడ్క్వార్టర్స్ రెస్ట్ ఓ బార్, కేఎఫ్సీ, జూబ్లీహిల్స్లోని బాబిలోన్బార్అండ్ కిచెన్, గౌరంగ్కిచెన్, పంజాగుట్టలోని షాన్బాగ్, చట్నీస్, బేగంపేటలోని ఐటీసీ కాకతీయ, జీవీకే వన్లోని సిజిలింగ్ జాయ్, మొజంజాహి మార్కెట్లోని కరాచీ బేకరీ, మాదాపూర్లోని బిగ్బాస్కెట్గోదాం, రామేశ్వరం కేఫ్, బాహుబలి ఖానా.. ఇవి సిటీలో పేరున్న హోటళ్లే! కానీ పేరుకు తగ్గట్టు, అడ్వర్టైజ్మెంట్ల కు తగ్గట్టు వీటిలో క్వాలిటీ ఫుడ్వడ్డిస్తున్నారనుకుంటే మీరు పొరబడినట్టే..! ఈ హోటళ్ల లో తనిఖీలు చేసిన అధికారులు కిచెన్ల నిర్వాహణ చూసి విస్తుపోయారు. మెయింటెనెన్స్ అధ్వాన్నంగా ఉందని ఉందని అధికారులు గుర్తించారు’’.

హైదరాబాద్, వెలుగు : పేరుకే పెద్ద హోటళ్లు.. వేలల్లో ధర.. బ్రాండ్ పేరుతో అడ్వర్టైజ్మెంట్లు.. ఒక్కసారి విజిట్ చేస్తే మరిచిపోలేని హాస్పిటాలిటి అని ప్రమోషన్.. అంతా బాగానే ఉన్నా హోటల్అన్నాక ఫుడ్క్వాలిటీగా ఉండాలి కదా.. అదే మిస్అవుతోంది. ఆకర్షించే డైనింగ్హాల్, కాస్లీ కట్లెరీ తో కస్టమర్లను ఆకర్షిస్తున్నా.. ఆ హోటల్కిచెన్మాత్రం డర్టీగా ఉంటోంది. వేల రూపాయల్లో కస్టమర్లు చెల్లించే ధరలు ఆహారం కోసం కాకుండా.. హోటల్వాతావరణం కోసమా? అన్నట్టు మారింది హైదరాబాద్ లో హోటళ్ల పరిస్థితి.

అనేక హోటళ్లు, రెస్టారెంట్లలో కిచెన్చూసి ఉన్నతాధికారులు సైతం విస్తుపోయారు. సిటీలో పెద్ద సంఖ్యలో ఆహార కల్తీ పై ఫిర్యాదులు వస్తుండడంతో నెల రోజులుగా ఫుడ్సేఫ్టీ అధికారులు ఎన్ఫోర్స్మెంట్టీమ్స్తో పలు హోటళ్లపై దాడులు నిర్వహించారు. గ్రేటర్సిటీలోని దాదాపు అన్ని ప్రాంతాల్లో హోటళ్లు, రెస్టారెంట్లు, గోదాములను అధికారులు తనిఖీ చేశారు.

అపరిశుభ్ర వాతావరణ పరిస్థితుల్లో హోటళ్లు, రెస్టారెంట్లలో ఫుడ్సరఫరా చేయడంపై అధికారులు సీరియస్అయ్యారు. చాలా హోటళ్లు, రెస్టారెంట్లో నిల్వచేసిన ఆహారాన్నే మళ్లీ వండి వడ్డిస్తున్నారు. ఫ్రిజుల్లో రోజుల తరబడి నిల్వ చేసిన చికెన్, మటన్కు రసాయనాలతో కూడిన రంగులు పూసిన ఫుడ్ ను కస్టమర్లకు వడ్డిస్తున్నారు. అన్సేఫ్, మిస్బ్రాండింగ్, నాసిరకం కేటగిరీల్లో అధికారులు నిర్వహిం

చిన తనిఖీల్లో ఇలాంటి విస్తుపోయే నిజాలే బయటపడ్డాయి. ఫ్రిజ్ల్లో నిల్వచేయడంతో కంపు కొడుతున్న మాంసాన్ని కూడా ఫ్రెష్గా ఉంచేందుకు రసాయనాలను చల్లుతున్నట్టు అధికారుల తనిఖీల్లో వెల్లడైంది. కొన్ని చోట్ల కుళ్లిన మాంసంతో బిర్యానీ, గడువు తీరిన మసాలాలు, ఇతర సరుకులను వంటలకు వాడుతున్నట్టు కూడా తేలింది.

అపరిశుభ్రమైన కిచెన్లు

సిటీలోని హోటళ్లు, రెస్టారెంట్ల కిచెన్లలో అపరిశుభ్ర వాతావరణం ఉంది. అక్కడే వంట చేయడం, పాత్రలు శుభ్రం చేయడం, ముగురు నీరు పారుతుండడం కనిపించింది. మొత్తంగా భరించలేని దుర్వాసనలు వెదజల్లుతుంది. సోమాజిగూడలోని కృతుంగ, హెడ్క్వార్టర్స్ రెస్ట్ ఓ బార్, కేఎఫ్సీ, జూబ్లీహిల్స్లోని బాబిలోన్ బార్అండ్ కిచెన్, గౌరంగ్కిచెన్, పంజాగుట్టలోని షాన్బాగ్, చట్నీస్, బేగంపేటలోని ఐటీసీ కాకతీయ, జీవీకే వన్లోని సిజిలింగ్ జాయ్, మొజంజాహి మార్కెట్లోని కరాచీబేకరీ, మాదాపూర్లోని బిగ్బాస్కెట్గోడౌన్, రామేశ్వరం కేఫ్, బాహుబలి ఖానా వంటి హోటళ్లలో అధ్వానంగా ఉందని అధికారులు తెలిపారు.

పెద్ద సంఖ్యలో కేసులు

గ్రేటర్ సిటీలో తనిఖీలు నిర్వహిస్తున్న ఫుడ్సేఫ్టీ, జీహెచ్ఎంసీ అధికారుల బృందాలు కొన్ని హోటళ్లకు పెద్దమొత్తంలో జరిమానా విధించగా, కొన్నింటి లైసెన్స్రద్దుకు సిఫారసు చేశాయని జీహెచ్ఎంసీ ఫుడ్ కంట్రోలర్బాలాజీ రాజు తెలిపారు. 120 హోటళ్లలో తనిఖీలు చేయగా.. 40 హోటళ్లకు నోటీసులు ఇచ్చామని, మరో 15 హోటళ్ల పై కేసు నమోదు చేసినట్టు వెల్లడించారు. రాబోయే రోజుల్లో మరిన్ని తనిఖీలు ముమ్మరం చేయనున్నట్టు పేర్కొన్నారు. ముఖ్యంగా హోటళ్లు మాంసం కొనుగోళ్లను జీహెచ్ఎంసీ కబేళాల నుంచే స్టాంపింగ్అయిన మటన్నే కొనుగోలు చేయాలని అధికారులు సూచిస్తున్నారు.

త్వరలో సిటీలో మటన్షాపులను కూడా తనిఖీ చేస్తామన్నారు. మొబైల్ టెస్టింగ్ల్యాబ్లను కూడా రంగంలోకి దించి రోజుకు 20 శాంపిల్స్సేకరిస్తున్నట్టు తెలిపారు. ఆహారంలో కల్తీ సరుకులు వాడకూడదని, ప్రతి హోటల్లో శిక్షణ పొందిన సూపర్వైజర్ను ఏర్పాటు చేసుకోవాలని కూడా వారికి సూచించినట్టు తెలిపారు. ప్రస్తుతం నాంపల్లి మెట్రోపాలిటన్ మెజిస్ట్రేట్ వద్ద 297 కేసులు విచారణలో ఉన్నట్టు ఫుడ్ కంట్రోలర్ తెలిపారు. ఆహార కల్తీ, గడువు తీరిన వస్తువులను వాడే వారిపై రూ. 3 లక్షల నుంచి 5లక్షల వరకు జరిమానా, జైలు శిక్ష కూడా విధించే చాన్స్ ఉందని అధికారులు తెలిపారు.

త్వరలో వర్క్షాప్లు..

గ్రేటర్ సిటీలో హోటళ్లలో నాణ్యత పాటించేందుకు నిర్వాహకులకు, సిబ్బందికి త్వరలో శిక్షణ ఇస్తామని అధికారులు చెప్తున్నారు. వచ్చే నెల నుంచి ప్రతి నెలా 400 నుంచి 500 మందిని ఈ వర్క్షాప్లకు పిలువనున్నారు. వంటల్లో ఎలాంటి వస్తువులు వాడవచ్చు, ఎలాంటివి వాడకూడదో వివరిస్తారు. హోటళ్లు, రెస్టారెంట్లు, వీధి వ్యాపారం చేసేవారు, ఫంక్షన్లలో వంటలు చేసేవారు, మెస్లలో వంట మనుషులుగా పనిచేసే వారు తప్పనిసరిగా శిక్షణ కార్యక్రమాలకు హాజరు కావాలని, నిర్వాహకులకు నోటీసులు పంపుతామని హెచ్చరించారు. హోటల్కిచెన్ నిర్వహణపై ట్రైనింగ్ ఇచ్చి, సర్టిఫికెట్లు అందించనున్నట్టు.. ఇవి జాబ్ చేయడానికి అర్హతగా కూడా పనికి వస్తాయని అధికారులు తెలిపారు.

ఫిర్యాదు ఇలా..

మీరెప్పుడైనా ఎంతో ఇష్టంగా మంచి హోటల్తో ఫ్రెండ్స్తోనే, ఫ్యామిలీతో భోజనం చేద్దామని వెళ్లినప్పుడు.. ఫుడ్ అంత నాణ్యత లేకుండా కనిపించి, డిజప్పాయింట్ అయ్యారా? అలాంటి వాటిని అధికారుల దృష్టికి తీసుకెళ్లాలని అనుకుంటే ఆలస్యం చేయకుండా జీహెచ్ఎంసీ అధికారులకు సమాచారం అందించొచ్చు. కిచెన్ వాతావరణం ఆరోగ్యకరంగా ఉండేలా చూసేందుకు ఫుడ్సేఫ్టీ, జీహెచ్ఎంసీ సంయుక్తంగా చర్యలు తీసుకుంటోంది. సిటీలో ఫుడ్ కల్తీపైనే రోజుకు 40 ఫిర్యాదులు వస్తున్నట్టు కూడా అధికారులు తెలిపారు. ప్రజలు ఎవరైనా ఆహార కల్తీ పై ఫిర్యాదు చేయాలంటే జీహెచ్ఎంసీ కంట్రోల్ రూం నం 040–21111111 కు కాల్ చేయాలి. లేదా జీహెచ్ఎంసీ కమిషనర్, తెలంగాణ ఫుడ్సేఫ్టీ కమిషనర్కు నేరుగా ఫిర్యాదు చేయవచ్చు.

ఏ హోటల్.. ఎంత డర్టీ?

బాహుబలి ఖానా లో నిషేధిత సింథిటిక్ ఫుడ్ కలర్స్
రామేశ్వరం కేఫ్లో గడువు తీరిన 100 కేజీల మినపపప్పు బస్తా, అపరిశుభ్రమైన పరిస్థితుల్లో పాలు, పెరుగు మాసాబ్టాంక్లోని లెబనీస్ బైట్స్, చిచాస్ హోటళ్లలో నిషేధిత ఫుడ్కలర్స్.పేరు మోసిన స్టార్హోటళ్లు, రెస్టారెంట్లు, మధ్యస్థాయి రెస్టారెంట్లు సైతం ఆహార పదార్థాల వినియోగం, నిల్వలో నాణ్యత పాటించడం లేదని అధికారులు గుర్తించారు. వినియోగదారులను ఆకట్టుకునేలా ఎంతో ప్రచారం చేసుకుంటున్నా నాసిరకం వంటకాలను వడ్డిస్తున్నారు.సిటీలో 120 హోటళ్లలో తనిఖీలునిర్వహించగా 40 హోటళ్లకు అధికారుల నోటీసులు,15 హోటళ్ల పై కేసు నమోదు