జబల్పూర్: క్రిమినల్ కేసులో కోర్టు ధిక్కారణకు పాల్పడటంతో 50 మొక్కలు నాటాలని రాహుల్ సాహు అనే వ్యక్తిని మధ్యప్రదేశ్ హైకోర్టు ఆదేశించింది. తన భార్య దాఖలు చేసిన కేసు విచారణలో ఉన్నప్పుడు కోర్టు ప్రొసిడీంగ్స్కు సంబంధించిన ఫొటోను సాహు సోషల్ మీడియాలో పోస్ట్ చేశారు. సంబాల్ గఢ్లోని జ్యుడీషియల్ మేజిస్ట్రేట్ ఫస్ట్ క్లాస్(జేఎంఎఫ్సీ) ఈ పోస్ట్ను గుర్తించింది. సాహుకు నోటీసులు అందించింది.
అతడు స్పందించకపోవడంతో హైకోర్టుకు నివేదించింది. నోటీసులకు స్పందించకపోవడంతో హైకోర్టు సుమోటో యాక్షన్ తీసుకుంది. ఈ క్రమంలో సాహు అఫిడవిట్ ఫైల్ చేశారు. తాను10వ తరగతి వరకు మాత్రమే చదువుకున్నానని, లీగల్ ప్రొసీడింగ్స్పై అవగాహన లేదన్నారు. బేషరతు క్షమాపణ చెప్పారు. దీనిని అంగీకరించిన కోర్టు 50 మొక్కలు నాటాలని ఆదేశించింది.
