ములుగు, వెలుగు: సరైన అనుమతి పత్రాలు లేకుండా ఇసుక తరలిస్తున్న నాలుగు లారీలను అటవీ శాఖ అధికారులు సీజ్ చేశారు. ములుగు జిల్లా గోవిందరావుపేట మండలం పస్రా రేంజ్పరిధిలోని చెక్ పోస్టు వద్ద బుధవారం అర్ధరాత్రి ఇసుకతో వెళ్తున్న లారీలను ఆపి తనిఖీ చేశారు. సరైన పత్రాలు లేకపోవడంతో ఫారెస్ట్ సెక్షన్ అధికారి ఆదినారాయణ ఆధ్వర్యంలో బీట్ అధికారులు, సిబ్బంది లారీలను స్వాధీనం చేసుకొని రేంజ్ఆఫీస్కు తరలించారు.
ప్రభుత్వ అనుమతి మేరకు మాత్రమే ఇసుక తరలింపు చేపట్టాలని, సరైన పత్రాలు లేకుంటే వాహనాలు సీజ్చేస్తామని అధికారులు హెచ్చరించారు. ఈ లారీలు ఎక్కడి నుంచి వస్తున్నాయో విచారణ చేపట్టినట్లు తెలిపారు.
