ఢాకా: బంగ్లాదేశ్ మాజీ ప్రధాని, అవామీ లీగ్ అధ్యక్షురాలు షేక్ హసీనా మళ్లీ స్వదేశానికి తిరిగి రానున్నారు. ఈ విషయాన్ని ఆమె స్వయంగా వెల్లడించారు. అందుకే అల్లాహ్ తనను బతికించాడని అన్నారు. మంగళవారం పార్టీ కార్యకర్తలతో సోషల్ మీడియాలో ఆమె మాట్లాడారు. ఈ సందర్భంగా మహమ్మద్‌ యూనస్పై తీవ్ర విమర్శలు చేశారు. ‘‘ఆయనకు ప్రజలపై ప్రేమ లేదు. అప్పట్లో ఆయన తీరును అర్థం చేసుకోలేకపోయాం. అందుకే అప్పట్లో మేం అతడికి సహాయం చేశాం. కానీ, ప్రజలు మాత్రం లబ్ధి పొందలేదు. ఆయన అధికార దాహం ఇప్పుడు బంగ్లాదేశ్ను కాల్చేస్తోంది” అని పేర్కొన్నారు.
