బీఆర్ఎస్ నేత, నల్లగొండ మాజీ ఎమ్మెల్యే కంచర్ల భూపాల్ రెడ్డి అరెస్ట్ అయ్యారు. నల్లగొండ పరిధిలోని అన్నెపర్తి 12వ బెటాలియన్కు వెళ్తుండగా పోలీసులు ఆయనను అదుపులోకి తీసుకున్నారు. కాగా, తమ సమస్యలను పరిష్కరించాలని డిమాండ్ చేస్తూ కొద్దిరోజులుగా బెటాలియన్ కానిస్టేబుల్ ఉద్యోగుల కుటుంబ సభ్యులు ఆందోళన చేస్తోన్న విషయం తెలిసిందే. ఈ క్రమంలోనే శనివారం (అక్టోబర్ 25) బాధితులకు మద్దతు తెలిపేందుకు వెళ్లడానికి కంచర్ల భూపాల్ రెడ్డి బయలుదేరారు.
ALSO READ | కేటీఆర్ అదుపులో పెట్టుకో.. లేదంటే మేం కంట్రోల్ చేయాల్సి వస్తది: జగ్గారెడ్డి వార్నింగ్
అప్రమత్తమైన పోలీసులు.. బెటాలియన్ వద్దకు వెళ్లకుండా కంచర్ల భూపాల్ రెడ్డిని అడ్డుకున్నారు. దీంతో పోలీసులతో కంచర్ల వాగ్వాదానికి దిగారు. ఈ క్రమంలో కంచర్ల భూపాల్ రెడ్డిని అరెస్ట్ చేసిన పోలీసులు మునుగోడు పీఎస్కు తరలించారు. కాగా, ఏక్ స్టేట్.. ఏక్ పోలీస్ విధానం అమలు చేయాలని డిమాండ్ చేస్తూ రాష్ట్రవ్యాప్తంగా బెటాలియన్ కానిస్టేబుళ్లు ఆందోళనలకు దిగిన విషయం తెలిసిందే.
