హైదరాబాద్: చాలా కాలంగా ఫామ్ హౌస్లో సైలెంట్గా ఉన్న బీఆర్ఎస్ అధినేత, మాజీ సీఎం కేసీఆర్ కాంగ్రెస్ పార్టీపై విరుచుకుపడ్డారు. శుక్రవారం (జనవరి 31) జహీరాబాద్ నియోజకవర్గం బీఆర్ఎస్ పార్టీ నాయకులు, కార్యకర్తలతో ఎర్రవల్లి ఫామ్ హౌస్లో కేసీఆర్ సమావేశమయ్యారు. ఝారసంగం నుంచి పాదయాత్రగా వచ్చిన 500 మంది బీఆర్ఎస్ శ్రేణులు.. కేతికి సంగమేశ్వర స్వామి ప్రసాదం కేసీఆర్కి అందజేశారు.
ఈ సందర్భంగా కార్యకర్తలనుద్దేశించి ఆయ న ప్రసగించారు. గత కొంత కాలంగా మౌనంగా ఉన్న బీఆర్ఎస్ చీఫ్ కాంగ్రెస్ ప్రభుత్వం విమర్శలు గుప్పించారు. కాంగ్రెస్ ప్రభుత్వానికి వ్యతిరేకంగా బీఆర్ఎస్ శ్రేణులు ప్రత్యక్ష పోరాటాలకు సిద్ధం కావాలని పిలుపునిచ్చిన కేసీఆర్.. వచ్చే ఎన్నికల్లో మనదే అధికారమని కార్యకర్తల్లో ధైర్యం నింపారు. ఈ కార్యక్రమంలో హరీష్ రావు, సునీత లక్ష్మారెడ్డి, చింత ప్రభాకర్, జహీరాబాద్ ఎంఎల్ఏ మాణిక్ రావు, జహీరాబాద్ నియోజకవర్గానికి చెందిన ఎంపీటీసీలు, జడ్పీటీసీలు, నాయకులు కార్యకర్తలు పెద్ద ఎత్తున పాల్గొన్నారు.
కేసీఆర్ స్పీచ్ హైలెట్ పాయింట్స్:
నేను కొడితే మాములుగా ఉండదు.. మాజీ సీఎం కేసీఆర్
చాలా చాలా రోజుల తర్వాత పార్టీ కార్యకర్తలు, నేతలతో తన ఫాంహౌస్ లో మీట్ అయ్యారు బీఆర్ఎస్ అధినేత, మాజీ సీఎం కేసీఆర్. ఈ సందర్భంగా కీలక వ్యాఖ్యలు చేశారాయన.
>>> నేను మౌనంగా ఉన్నానని అంటున్నారు.. కానీ గంభీరంగా చూస్తున్నాను..
>>> కాంగ్రెస్ ఏడాది పాలనలో ప్రజలు సంతోషంగా లేరు. కాంగ్రెస్ నాయకులు జనం మధ్య తిరిగితే వాళ్లు కొట్టేట్టు ఉన్నారు.
>>> తులం బంగారానికి ఆశ పడి ప్రజలు ఓట్లేశారు..
>>> కేసీఆర్ కొడితే మామూలుగా ఉండదు.. ఈసారి విజయం మనదే.
>>> కాంగ్రెస్ వస్తే రైతు భరోసా.. దళిత బంధు ఉండదని ఆనాడే చెప్పాను.. నా మాట వినలేదు.. ఇప్పుడు అనుభవిస్తున్నారు జనం.
>>> కాంగ్రెస్ వాళ్లు సోషల్ మీడియాలో పోల్ పెడితే.. మనకే ఎక్కువ ఓట్లు వచ్చాయి.
>>> కాంగ్రెస్ ప్రభుత్వంపై ప్రత్యక్ష పోరాటానికి సిద్ధం కండి.. మీ వెనక నేనున్నానంటూ భరోసా ఇచ్చారు కేసీఆర్.
>>> ఫిబ్రవరి నెల చివరలో పార్టీ బహిరంగ సభ పెడుతున్నాను.. మీరంతా తరలిరావాలి.
>>> తెలంగాణ వాళ్ల శక్తి ఏంటో కాంగ్రెస్ వాళ్లకు చూపించి.. వాళ్ల మెడలు వంచుతాం.
ఎర్రవల్లి ఫాంహౌస్ లో తనను కలిసిన బీఆర్ఎస్ పార్టీ నేతలు, కార్యకర్తలను ఉద్ధేశించి మాట్లాడారు కేసీఆర్.
