ముంబై: ప్రజలను కుల, మతాలుగా విభజించే పార్టీని రాష్ట్రంలో గెలవనిచ్చేదిలేదని శివసేన యూబీటీ చీఫ్ ఉద్ధవ్ థాక్రే అన్నారు. శనివారం జల్నాలో జరిగిన ఎన్నికల ప్రచార సభలో ఆయన మాట్లాడారు. బీజేపీ ప్రచార పోస్టర్లలో తన తండ్రి బాలాసాహెబ్ థాక్రే ఫొటోనే కనిపిస్తోందన్నారు. ఆ పార్టీకి రాష్ట్రంలో ఓటమి ఖాయమని తెలుసు కాబట్టే మోదీ, అమిత్ షా ఫొటోలు వేసుకోలేదని ఎద్దేవా చేశారు. వాళ్ల ఫొటోలతో ప్రజలను ఓట్లడగలేకే బాల్ థాక్రే ఫొటోను వాడుకుంటున్నారని ఉద్ధవ్ థాక్రే మండిపడ్డారు. మహారాష్ట్రను లూఠీ చేసిన బీజేపీకి రాష్ట్రంలో ఓటమే దిక్కవుతుందని ఉద్ధవ్ పేర్కొన్నారు.
