నాగర్ కర్నూల్, వెలుగు: డిండి లిఫ్ట్ ఇరిగేషన్ స్కీమ్కు పీఆర్ఎల్ఐపరిధిలోని ఏదుల రిజర్వాయర్ నుంచి రోజుకు 0.5 టీఎంసీలు తరలించాలన్న నిర్ణయాన్ని పున: పరిశీలించాలని మాజీ మంత్రి నాగం జనార్దన్రెడ్డి శుక్రవారం సీఎం రేవంత్రెడ్డి, మంత్రి ఉత్తంకుమార్రెడ్డికి లేఖ రాశారు.
పాలమూరు ప్రాజెక్ట్ నుంచి డిండి లిఫ్ట్కు నీటిని తరలిస్తే పాలమూరు కింద 12 లక్షల ఎకరాలకు సాగు నీరివ్వడం సాధ్యం కాదని ఆందోళన వ్యక్తం చేశారు. ఉమ్మడి నల్గొండ జిల్లాలోని దేవరకొండ, మునుగోడుతో పాటు ఇతర ప్రాంతాలకు 3.41 లక్షల ఎకరాలకు సాగు నీరందించేందుకు ఎమ్మార్ఎస్ఎల్బీసీటన్నెల్ నుంచి నీటిని డిండి రిజర్వాయర్కు తరలించేందుకు రూ.5,735 కోట్లతో డీపీఆర్ తయారు చేసి టన్నెల్ పనులు కంప్లీట్ అవుతుండగా, ఈ నిర్ణయం తీసుకోవడం సరైంది కాదన్నారు. సాగు నీళ్లు లేక పడావు పడిన పాలమూరు జిల్లా నుంచి నల్గొండకు నీటిని తరలించాలనుకోవడంపై అభ్యంతరం వ్యక్తం చేశారు. పాలమూరు ప్రాజెక్ట్ను ఖరాబ్ చేయవద్దని సీఎంకు విజ్ఞప్తి చేశారు.
