- ఉద్యోగులకు 77 శాతం ఫిట్మెంట్ఇచ్చినా తృప్తి కాలే
కోల్బెల్ట్, వెలుగు: రెండు నెలల్లోనే కాంగ్రెస్కు ఎందుకు ఓటేశామని ప్రజలు బాధపడే పరిస్థితి వచ్చిందని, కాంగ్రెస్ పాలనలో ప్రజాస్వామ్య స్ఫూర్తి కనుమరుగైందని మాజీ మంత్రి నిరంజన్రెడ్డి విమర్శించారు. ఆదివారం మంచిర్యాల జిల్లా క్యాతనపల్లి మున్సిపాలిటీలో నిర్వహించిన చెన్నూరు నియోజకవర్గ బీఆర్ఎస్విస్తృతస్థాయి సమావేశానికి ఆయన హాజరై మాట్లాడారు.
అసెంబ్లీ ఎన్నికల్లో కాంగ్రెస్ నాయకులు బీఆర్ఎస్పై దుష్ప్రచారం చేశారని, అబద్ధమే నిజమనేలా ఒక సెక్షన్ ఆఫ్ మీడియా ప్రచారం చేసిందని ఆరోపించారు. కారణం ఏదైనా పార్టీ శ్రేణుల్లో కొంత నిరాసక్తత వ్యక్తమైందన్నారు. తెలంగాణను ఆంధ్రాలో కలిపింది కాంగ్రెస్ ప్రభుత్వం కాదా? అని నిరంజన్రెడ్డి ప్రశ్నించారు. కాంగ్రెస్ ప్రభుత్వం ప్రకటించిన 420 హామీలను నెరవేర్చేలా ఒత్తిడి తీసుకొస్తామని చెప్పారు. ప్రజలు అడగకుండానే అన్నిరకాల పథకాలు అందించిన వ్యక్తి కేసీఆర్ అన్నారు.
కొత్తగా వచ్చిన ఓటర్లకు తెలంగాణ త్యాగాలు తెల్వదని, ఉద్యోగులకు 77 శాతం ఫిట్మెట్ఇచ్చినా సంతృప్తి పడలేదన్నారు. లక్షా అరవై వేలకు పైగా ఉద్యోగాలు ఇచ్చినా, టీఎస్పీఎస్సీ చేసిన తప్పులను బీఆర్ఎస్ ప్రభుత్వంపై రుద్దారని మండిపడ్డారు. ఇందిరమ్మ రాజ్యం గురించి మాట్లాడడం హాస్యాస్పదంగా ఉందని, రాహుల్గాంధీ పాదయాత్ర ఎందుకు చేస్తున్నారని నిరంజన్రెడ్డి ప్రశ్నించారు. సమావేశంలో ఎమ్మెల్సీ దండె విఠల్, మాజీ ఎమ్మెల్యేలు బాల్క సుమన్, నడిపెల్లి దివాకర్రావు, మాజీ ఎమ్మెల్సీ పురాణం సతీశ్కుమార్, మాజీ మంత్రి బోడ జనార్దాన్తదితరులు పాల్గొన్నారు.
