మహబూబ్ నగర్ టౌన్, వెలుగు: టీఎస్పీఎస్సీ పేపర్ లీకేజీలో ప్రభుత్వ పెద్దల హస్తం ఉందని బీజేపీ రాష్ట్ర నాయకులు, మాజీ మంత్రి పి చంద్రశేఖర్ ఆరోపించారు. ఆదివారం బీజేపీ జిల్లా ఆఫీసులో నిరుద్యోగ మార్చ్ సక్సెస్పై రౌండ్ టేబుల్ సమావేశం నిర్వహించారు. ఈ సందర్భంగా ఆయన మాట్లాడుతూ ప్రభుత్వ పెద్దలు తమ పిల్లలకు ఉన్నత స్థాయి పోస్టులు వచ్చేలా ప్రశ్నాపత్రాలను లీక్ చేశారని విమర్శించారు. ఆస్ట్రేలియా నుంచి అమెరికా నుంచి వచ్చి పరీక్షలు రాసి వెళ్లారని, వారికి లుక్ అవుట్ నోటీసు జారీ చేశామని పోలీసులు చెబుతున్నారన్నారు. ఏ మేరకు ప్రశ్నాపత్రాల లీకేజీ జరిగిందనే విషయం అర్థం చేసుకోవచ్చని తెలిపారు. కష్టపడి చదివి పరీక్షలు రాసిన వారికి ఉద్యోగాలు వస్తాయనే ఆశ లేకుండా పోయిందన్నారు. తెలంగాణ వచ్చిన తర్వాత నిరుద్యోగ సమస్య తీవ్రంగా పెరిగిందన్నారు. నిరుద్యోగ మార్చ్ను సక్సెస్ చేయాలని కోరారు. జిల్లా అధ్యక్షుడు వీరబ్రహ్మచారి, రాష్ట్ర కార్యవర్గ సభ్యురాలు పద్మజా రెడ్డి, ఎన్పీ వెంకటేశ్, శ్రీనివాస్ రెడ్డి, కృష్ణ వర్ధన్ రెడ్డి, దరువు ఎల్లన్న, పుల్ల రవియాదవ్, అచ్చుగట్ల అంజయ్య, చిన్న వీరయ్య పాల్గొన్నారు.
మహబూబ్ నగర్ రూరల్: ఈ నెల 25న జరిగే నిరుద్యోగ మార్చ్ కు నిరుద్యోగులు, విద్యార్థులు, మేధావులు తరలివచ్చి సక్సెస్ చేయాలని బీజేపీ నేత ఎన్పీ వెంకటేశ్ పిలుపునిచ్చారు. మండలంలోని అంబటిపల్లి గ్రామంలో మన భవిష్యత్, మన భరోసా కార్యక్రమాన్ని నిర్వహించారు. రాజుగౌడ్, తిరుపతిరెడ్డి, భూషణ్, కుమ్మరి చంద్రశేఖర్, అంజన్న, రవిరెడ్డి, శ్రీనివాస్ యాదవ్ పాల్గొన్నారు.
నాగర్ కర్నూల్ టౌన్: నిరుద్యోగ మార్చ్ లో పాల్గొనాలని బీజేవైఎం జిల్లా అధ్యక్షుడు భరత్ చంద్ర కోరారు. బీజేపీ జిల్లా కార్యాలయంలో సమావేశం నిర్వహించారు. నిరుద్యోగ మార్చ్ లో నిరుద్యోగులు, విద్యార్థులు పాల్గొనాలని కోరారు. సంతోష్, సత్యనారాయణ, వెంకటేశ్, విజయభాస్కర్, చందు, వినోద్ పాల్గొన్నారు. పెబ్బేరు: సీఎం కేసీఆర్ నిరుద్యోగులకు చేసిందేమీ లేదని బీజేపీ వనపర్తి నియోజకవర్గ కన్వీనర్ శ్రీనివాస్ గౌడ్ విమర్శించారు. మండలంలోని రంగాపురం గ్రామంలో నిర్వహించిన సమావేశంలో మాట్లాడారు. నిరుద్యోగ మార్చ్ను సక్సెస్ చేయాలని కోరారు. భగవంతు, నాగరాజు, రఘు, దేవేందర్ పాల్గొన్నారు.
