బోధన్, వెలుగు: కాంగ్రెస్ అధికారంలోకి రాగానే సాలూరా మండలంలోని హున్సా, మందర్నా, ఖజాపూర్ గ్రామాల్లో గవర్నమెంట్ ఇచ్చిన భూముల్లో సాగుచేసుకుంటున్న పేదలకు పట్టాలిప్పిస్తానని మాజీ మంత్రి.పి.సుదర్శన్ రెడ్డి హామీ ఇచ్చారు. బీఆర్ఎస్ పదేండ్ల పాటు అధికారంలో ఉన్నా ఎలాంటి అభివృద్ధి జరగలేదన్నారు. ప్రజలకిచ్చిన ఏ హామీని అధికార పార్టీ నెరవేర్చలేదన్నారు.
ALSO READ : బీజేపీ డకౌట్.. కాంగ్రెస్ రనౌట్.. బీఆర్ఎస్ సెంచరీ : హరీశ్ రావు
నిరుద్యోగ భృతి, డబుల్బెడ్ రూమ్ఇండ్లు, దళితులకు మూడెకరాల భూమి ఏమయ్యాయన్నారు. గ్రామాల్లో కాంగ్రెస్ హయాంలో నిర్మించిన ఇందిరమ్మ ఇండ్లు తప్ప, ఒక్క డబుల్బెడ్ రూమ్ నిర్మించలేదన్నారు. కాంగ్రెస్ ప్రభుత్వం అధికారంలోకి రాగానే ఆరు గ్యారంటీ స్కీములు అమలు చేస్తామన్నారు. పార్టీ జిల్లా మాజీ అధ్యక్షుడు తాహెర్ బీన్ హందాన్, మండలాధ్యక్షులు నాగేశ్వరరావు, మందర్నా రవి, హున్సా మాజీ ఎంపీటీసీ శంకర్పటేల్, నాయకులు, కార్యకర్తలు పాల్గొన్నారు.
