చిన్నచింతకుంట, వెలుగు: మాజీ ఎమ్మెల్యే సీతా దయాకర్ రెడ్డి కాంగ్రెస్ లో చేరనున్నట్లు తెలిపారు. ఆదివారం చిన్నచింతకుంట మండలం పర్కాపూర్ గ్రామంలో ఆమె ఆత్మీయ సమ్మేళనాన్ని ఏర్పాటు చేశారు. మక్తల్ నియోజకవర్గంలోని దయాకర్ రెడ్డి అనుచరులు, వివిధ పార్టీలకు చెందిన నాయకులు తరలివచ్చారు. దేవరకద్ర నియోజకవర్గంలోని కొన్ని మండలాల నాయకులు కూడా వచ్చారు. వారిలో మెజార్టీ నేతలు సీతా దయాకర్ రెడ్డిని కాంగ్రెస్ పార్టీలో చేరాలని కోరారు. మక్తల్ నియోజకవర్గం నుంచి కాంగ్రెస్ టికెట్ తెచ్చుకోవాలని వారు విజ్ఞప్తి చేశారు. మూడు రోజుల అనంతరం కార్యకర్తలు, అభిమానులతో కలిసి హైదరాబాద్ కు వెళ్లి కాంగ్రెస్ లో చేరనున్నట్లు ప్రకటించారు.
