- ఆయనకు టికెట్ ఇస్తే మాదారి మేం చూసుకుంటం
- ఆశావహులు ఏకమై హైకమాండ్‌కు అల్టిమేటం
- ఓటరు మ్యాపింగ్ మీటింగ్‌లో గందరగోళం
నల్గొండ, వెలుగు : నకిరేకల్ కాంగ్రెస్లో మాజీ ఎమ్మెల్యే వేముల వీరేశం రచ్చ నడుస్తోంది. ఆయన పార్టీలో చేరేందుకు ప్రయత్నాలు చేస్తుండడంతో మొన్నటి వరకు ఎమ్మెల్యే టికెట్ కోసం కొట్లాడిన ఆశావహులంతా ఏకతాటిపైకి వచ్చారు. వీరేశానికి టికెట్ ఇస్తే తమ దారి తాము చూసుకుంటామని హైకమాండ్‌కు అల్టిమేటం విధించారు. ఈ మేరకు గురువారం నకిరేకల్‌లో భువనగిరి పార్లమెంట్ఇన్చార్జి, కర్నాటక ఎమ్మెల్యే మానె శ్రీనివాస్ అధ్యక్షతన జరిగిన నియోజకవర్గ స్థాయి సమావేశంలో తమ నిర్ణయాన్ని వెల్లడించారు. వీరేశం తప్ప ఆశావహుల్లో ఎవరికి టికెట్ ఇచ్చినా కలిసి పనిచేస్తామని స్పష్టం చేశారు.
ఎమ్మెల్యే టికెట్కోసం నకిరేకల్ నుంచి మాజీ ఎమ్మెల్యే వేదాసు వెంకయ్య, పీసీసీ నేతలు కొండేటి మల్లయ్య, దైదారవీందర్, ప్రసన్నరాజ్, వేదాసు శ్రీధర్తో సహా 18 మంది దరఖాస్తు చేశారు. వీరిలో మల్లయ్య జానారెడ్డి అనుచరుడు కాగా, దైదా రవీందర్, ప్రస న్నరాజ్, వేదాసు శ్రీధర్ ఎంపీ కోమటిరెడ్డి వెంకటరెడ్డి కోటరీలో ఉన్నారు. మొన్నటి వరకు కొండేటి మల్లయ్య టికెట్ఇవ్వొద్దని ఎంపీ కోమటిరెడ్డి వర్గం వాదించింది. నార్కట్పల్లి మండలం బ్రహ్మణ వెల్లంలలో జరిగిన సమావేశంలోనూ ఇదే అభిప్రాయాన్ని వెలిబుచ్చారు. అయితే ఇ ప్పుడు వీరేశం పార్టీలోకి వస్తున్నాడని, టికెట్ కూడా కన్ఫాం అయ్యిందని పార్టీ హైకమాండ్నుంచి సంకేతాలు వస్తున్నాయి. ఈ నేపథ్యంలో గ్రూ పు రాజకీయాలకు స్వస్తి చెప్పి వీరేశం ఎంట్రీని అడ్డుకునేందుకు ఒక్కటవుతున్నట్లు తెలుస్తోంది.
సర్వేలతోనే అభ్యర్థి ఎంపిక..
కాంగ్రెస్ అభ్యర్థి ఎంపిక సర్వేలతోనే ఫైనల్చేస్తామని హైకమాండ్ ఇప్పటికే స్పష్టం చేసింది. ఇదే క్రమంలో ఇన్నాళ్లు పార్టీ కోసం కష్టపడ్డ వారు, సభ్యత్వ నమోదులో క్రియాశీలకంగా వ్యవహరించిన నేతల పేర్లను కూడా పార్టీ పరిశీలిస్తోంది. బీఆర్ఎస్ ఎమ్మెల్యే చిరుమర్తి లింగయ్యకు దీటైన అభ్యర్థి ఎవరనే దానిపై వివిధ రకాల పేర్లతో పార్టీ సర్వేలు చేయిస్తోంది. దీంట్లో వీ రేశంతో సహా, ఆశావహులు పేర్లు కూడా ఉన్నాయి.
అయితే బీఆర్ఎస్ ప్రభుత్వ వ్యతిరేక విధానాలు, పార్టీ పరంగా వీరేశానికి జరిగిన నష్టంపై కేడర్‌‌లో సానుభూతి వ్యక్తమవుతోందని సర్వేల్లో తెలినట్లు సమాచారం. దీన్ని అవకాశంగా తీసుకున్న వీరేశం కాంగ్రెస్లో చేరేందుకు ఖమ్మం మాజీ ఎంపీ పొంగులేటి శ్రీనివాస్ రెడ్డి సహకారం కోరినట్లు ప్రచారం జరిగింది. జిల్లా కాంగ్రెస్ సీనియర్లతో శ్రీనివాస్ రెడ్డి జరిపిన చర్చలు సఫలం కావడంతో వీరేశం రాకకు లైన్ క్లియర్ అయిందని, త్వరలో పార్టీలో చేరే అవకాశాలు ఉన్నాయని లీక్లు ఇవ్వడం మొదలు పెట్టారు.
పార్టీ నుంచి వెళ్లిపోతాం..
ఇన్నాళ్లు కష్టపడ్డ తమను కాదని బయటి నుంచి వచ్చే లీడర్లకు టికెట్ ఇస్తే పార్టీ నుంచి వెళ్లిపోతామని ఆశావహులు అల్టిమేటం ఇచ్చారు. మానె శ్రీనివాస్పెట్టిన మీటింగ్ఏజెండా గ్రామాల్లో ఓటరు మ్యాపింగ్ కోసం కాగా, అది కాస్తా ఆశావహుల గొడవతో సైడ్ ట్రాక్ పట్టింది. దాదాపు 300 మందికి పైగా పార్టీ ముఖ్యనాయకులు సమావేశానికి హాజరయ్యారు. దీంట్లో మెజార్టీ సభ్యులు వీరేశంకు టికెట్ ఇస్తే ఒప్పుకునే ప్రసక్తే లేదని, ఆనాడు వీరేశానికి వ్యతిరేకంగా పార్టీకి కట్టుబడి చిరుమర్తి లింగయ్య గెలుపు కోసం పనిచేశామని స్పష్టం చేశారు.
కానీ, ఆయన పార్టీ నుంచి వెళ్లిపోయి తమ నమ్మకాన్ని వమ్ము చేశాడని, ఇప్పుడు వీరేశానికి టికెట్ ఇస్తే ఇన్నాళ్లు పార్టీ కోసం కష్టపడ్డ నాయకుల పరిస్థితి ఏం కావాలని ప్రశ్నించారు. ఎమ్మెల్యేగా పోటీ చేయడం కోసం పార్టీలోకి రావాలనుకోవడం సరైన విధానం కాదని, అదే జరిగితే తామంతా తలోదారి చూసుకోక తప్పదని హెచ్చరించారు.
