సుప్రీంకోర్టు మాజీ న్యాయమూర్తి జస్టిస్ మదన్ బి.లోకుర్ యునైటెడ్ నేషన్స్ ఆర్గనైజేషన్ అంతర్గత న్యాయ మండలి చైర్పర్సన్గా నియమితులయ్యారు. ఈ పదవిలో 2028, నవంబర్ 1 వరకు కొనసాగనున్నారు. పలువురు ఇతర న్యాయకోవిదులు సభ్యులుగా ఉన్న ఈ మండలికి జస్టిస్ మదన్ బి.లోకుర్ నేతృత్వం వహిస్తారు.
ఉరుగ్వేకు చెందిన కార్మెన్ ఆర్టిగాస్, ఆస్ట్రేలియాకు చెందిన రోసాలీ బాల్కిన్, ఆస్ట్రియాకు చెందిన స్టెఫాన్ బ్రెజీనా, అమెరికాకు చెందిన జే పొజెన్ల్ ఈ మండలిలో సిబ్బంది, యాజమాన్య ప్రతినిధులుగా నియమితులయ్యారు.
జస్టిస్ మదన్ బి.లోకుర్ 2012, జూన్ 4న సుప్రీంకోర్టు న్యాయమూర్తిగా నియమితులై 2018, డిసెంబర్ 30న పదవీ విమరణ చేశారు. 2019లో మదన్ బి.లోకుర్ ఫిజీ సుప్రీంకోర్టులో నాన్ రెసిడెంట్ప్యానెల్ జడ్జిగా నియమితులయ్యారు. మరో దేశానికి చెందిన సుప్రీంకోర్టుకు జడ్జిగా నియమితులైన తొలి భారతీయ న్యాయమూర్తిగా ఆయన నిలిచారు.
యూఎన్ఓ అంతర్గత న్యాయ మండలి
యూఎన్ఓ అంతర్గత న్యాయ వ్యవస్థ నిర్వహణలో కొంత స్వతంత్రత, పారదర్శకత అవసరం కావడంతో 2009లో అంతర్గత న్యాయ మండలిని యూఎన్ జనరల్ అసెంబ్లీ అధికారికంగా స్థాపించింది.ఈ న్యాయ మండలిలో రెండు ప్రధాన అంగాలు ఉన్నాయి.
ALSO READ | భారత జలాలలోకి వస్తే అంతు చూడటమే.. నేవీలోకి రెండు యుద్ధనౌకలు
యునైటెడ్ నేషన్స్ డిస్ప్యూట్ ట్రిబ్యునల్(యూఎన్డీటీ): ఉద్యోగులు, ఐక్యరాజ్యసమితి మధ్య వివాదాలను పరిష్కరిస్తుంది.
యునైటెడ్ నేషన్స్ అప్పీల్ ట్రిబ్యునల్(యూఎన్ఈటీ): యూఎన్డీటీ ఇచ్చిన తీర్పులపై అనుమానాలను, అప్పీలును సమీక్షిస్తుంది.
