- ఎర్రవల్లి ఫాంహౌస్లో కేసీఆర్ సమక్షంలో చేరిక
హైదరాబాద్, వెలుగు: టీడీపీ రాష్ట్ర మాజీ అధ్యక్షుడు కాసాని జ్ఞానేశ్వర్ బీఆర్ఎస్ లో చేరనున్నారు. శుక్రవారం ఉదయం 11.30 గంటలకు ఎర్రవల్లిలోని ఫామ్హౌస్లో బీఆర్ఎస్ అధ్యక్షుడు, సీఎం కేసీఆర్ సమక్షంలో ఆ పార్టీ కండువా కప్పుకోనున్నారు. అసెంబ్లీ ఎన్నికల్లో పోటీకి టీడీపీ దూరంగా ఉండటంతో ఆయన ఇటీవల ఆ పార్టీకి రాజీనామా చేశారు. మూడు రోజుల కింద కేసీఆర్ సమక్షంలో ఆయన పార్టీలో చేరాల్సి ఉండగా, వివిధ కారణాలతో వాయిదా పడింది. ఫాం హౌస్లో రాజశ్యామల యాగం నిర్వహిస్తున్న నేపథ్యంలో పరిమిత సంఖ్యలో అనుచరులతో ఆయన బీఆర్ఎస్లో చేరనున్నారు.
బీఆర్ఎస్లోకి చేవెళ్ల కాంగ్రెస్ లీడర్
చేవెళ్ల నియోజకవర్గానికి చెందిన కాంగ్రెస్ సీనియర్ నాయకుడు దేశమల్ల ఆంజనేయులు గురువారం బీఆర్ఎస్లో చేరారు. ఎర్రవెల్లిలోని ఫాంహౌస్లో కేసీఆర్ ఆయనకు కండువా కప్పి పార్టీలోకి ఆహ్వానించారు. ఈ కార్యక్రమంలో ఎంపీ రంజిత్రెడ్డి, బీఆర్ఎస్ లీడర్లు పెంటారెడ్డి, క్యామ మల్లేశ్, హఫీజ్ తదితరులు పాల్గొన్నారు.
ALSO READ :బొగ్గు గనిలో ప్రమాదం.. కార్మికుడు మృతి
