హైదరాబాద్, వెలుగు: బల్దియా పెండింగ్ పనులు కంప్లీట్ చేయాలని ఫోరం ఫర్ గుడ్ గవర్నెన్స్ ప్రెసిడెంట్ పద్మనాభరెడ్డి జీహెచ్ఎంసీ కమిషనర్ కు లెటర్ రాశారు. వానాకాలం రాకముందే ఎస్ఎన్డీనీ నాలాల పనులను పూర్తి చేయాలని కోరారు. ఫస్ట్ ఫేజ్ తో పాటు సెకండ్ ఫేజ్ పైనా దృష్టి పెట్టాలన్నారు.
చిన్న వాన పడితే డ్రైనేజీలు ఓవర్ ఫ్లో అవుతున్నాయని, దీంతో ప్రజలు ఇబ్బందులు ఎదుర్కొంటున్నారని పేర్కొన్నారు. కాంట్రాక్టర్లు పనులు బంద్ చేశారని, ఇలాగైతే పనులు ఎలా పూర్తవుతాయని, వెంటనే జీహెచ్ఎంసీ తగు చర్యలు తీసుకోవాలని ఆ లెటర్ లో కోరారు.
