ఆర్ట్ ఆఫ్ లివింగ్ వ్యవస్థాపకులు శ్రీశ్రీ రవిశంకర్ గురువారం మంగళగిరిలోని క్యాంప్ ఆఫీస్ లో డిప్యూటి సీఎం పవన్ కళ్యాణ్ ని కలిశారు. ఈ సందర్భంగా పవన్ మాట్లాడుతూ ప్రపంచ శాంతికి, భారతదేశ ఆధ్యాత్మిక విశిష్టత ప్రాచుర్యానికి శ్రీశ్రీ రవిశంకర్ గొప్ప మార్గం చూపించారని, ఆ మార్గంలో మనస్ఫూర్తిగా ముందుకెళ్తామని అన్నారు. ఆధునిక యోగ ప్రక్రియల్లో సుదర్శనక్రియ ఎంతో విశిష్టమైనదని... అలాంటి యోగ ప్రక్రియను ప్రపంచానికి పరిచయం చేసిన గొప్ప వ్యక్తి శ్రీశ్రీ రవిశంకర్ అని తెలిపారు.
ఉత్సాహం, జ్ఞాపకశక్తి, ఆలోచనశక్తిని పెంచే ప్రక్రియగా సుదర్శన క్రియకు గుర్తింపు ఉందని, అలాంటి ప్రక్రియను పరోక్షంగా నాకు ఉపదేశించిన గురువు శ్రీశ్రీ రవిశంకర్ అని అన్నారు. వారు ఆశీర్వాదాలు అందించడం చాలా ఆనందంగా ఉందని ఆయనను శాలువాతో సత్కరించారు.
శ్రీశ్రీ రవి శంకర్ మాట్లాడుతూ “జీవితంలో విజయం సాధించాలంటే ఏ వ్యక్తికైనా భక్తి, ముక్తి, యుక్తి, శక్తి అనే నాలుగు నైపుణ్యాలు చాలా అవసరమని అన్నారు. ఆత్మ బలంతో ధైర్యంగా ముందుకు వెళ్తేనే విజయం వరిస్తుందని, పరిపాలనలో రాజు ఎప్పుడూ సంతృప్తి చెందకూడదని తెలిపారు. ఒకవేళ సంతృప్తి చెందితే ప్రజలకు మేలు జరగడం ఆగిపోతుందని అన్నారు.
To meet Guruji Sri Sri Ravishankar is a blissful experience. In 1997-98 I have attended his art of living course, which I have gained a lot from that program. And i am grateful to Sri Sri Ravishankar Guruji for his blessings. https://t.co/TjXYsUTSd2
— Pawan Kalyan (@PawanKalyan) November 14, 2024
