జ్యోతినగర్, వెలుగు: రామగుండం ఎన్టీపీసీ నాలుగు అపెక్స్ సేఫ్టీ అవార్డులను సొంతం చేసుకుంది. శనివారం రాత్రి గోవాలో జరిగిన 9వ అపెక్స్ ఇండియా హెచ్ఆర్, సేఫ్టీ ఎక్సలెన్స్ అవార్డ్స్ ప్రోగ్రామ్లో రామగుండం ఎన్టీపీసీ హెచ్ఆర్ హెచ్వోడీ బిజోయ్కుమార్ సిక్థర్ అవార్డులను అందుకున్నారు. టెక్నాలజీ ఎక్సలెన్స్ విభాగంలో ప్లాటినం, హెచ్ఆర్ ఎక్సలెన్స్ విభాగంలో గోల్డ్, ట్రైనింగ్ ఎక్సలెన్స్ విభాగంలో గోల్డ్, ఆక్సుపేషనల్ హెల్త్ అండ్ సేఫ్టీ విభాగంలో గోల్డ్ అవార్డులు వరించాయి.
ఎన్టీపీసీ ఆర్ఈడీకి..
ఎన్టీపీసీ రామగుండం, తెలంగాణ ప్రాజెక్టుల ఎగ్జిక్యూటివ్ డైరెక్టర్, సదరన్ రీజియన్ ఈడీ కేదార్ రంజన్ పాండుకు ‘లీడర్ సీఈవో ఆఫ్ ది ఇయర్–2024’ అవార్డు లభించింది. అపెక్స్ ఇండియా ఫౌండేషన్ నుంచి ఆయన ఈ ఆవార్డును అందుకున్నారు. ఎన్టీపీసీలో మానవ వనరుల వినియోగం, కార్పొరేట్ నాయకత్వం, ప్రాంతీయ అభివృద్ధిపై చేసిన విశేష కృషికి ఆయనను ఈ అవార్డుకు ఎంపిక చేశారు.
