శంషాబాద్, వెలుగు: లారీ డ్రైవర్ నిర్లక్ష్యంతో ఒకరు మృతి చెందారు. శంషాబాద్ పాలమాకులకు చెందిన కేతావత్ తుల్చియ (51) వ్యవసాయ పనుల కోసం బైక్పై ఆదివారం కొత్తూరుకు బయలుదేరాడు. మార్గమధ్యలో లారీ వెనుక నుంచి ఢీ కొట్టడంతో అక్కడికక్కడే దుర్మరణం చెందాడు.
కారును ఢీ కొని..
కొడంగల్: వికారాబాద్ జిల్లా మెట్లకుంట వద్ద ఆదివారం జరిగిన రోడ్డు ప్రమాదంలో ఒకరు చనిపోయారు. మద్దూరు మండలం చింతల్ దిండికి చెందిన మొగులయ్య(48) హైదరాబాద్ నుంచి సొంతూరుకు బైక్పై వస్తుండగా, ఎదురుగా వస్తున్న కారు ఢీకొట్టడంతో మొగులయ్య చనిపోయాడు.
ఆస్పత్రిలో చికిత్స పొందుతూ..
ఇబ్రహీంపట్నం: యాదాద్రి భువనగిరి జిల్లా నారాయణపురం మండలం కూరతండాకు చెందిన రవిందర్(38) బైక్పై హైదరాబాద్కు వెళ్తుండగా ఎదురుగా వస్తున్న కారును ఢీకొనడంతో గాయపడ్డారు. ఆస్పత్రికి తరలించగా, చికిత్స పొందుతూ మృతి చెందాడు. అలాగే, బైక్ అదుపుతప్పి చెరువులో పడడంతో తూంకుంటకు చెందిన కతిమిళ్ల శివ కుమార్ యాదవ్ (30) మృతి చెందాడు.
