- అందుబాటులో లేని డాక్టర్
- అయినా ఆయన మెసేజ్లతో చికిత్స
- గర్భసంచి బ్లాస్ట్ కావడంతో మృతి
- వనపర్తి జిల్లాలో దారుణం
పెబ్బేరు, వెలుగు : వనపర్తి జిల్లా పెబ్బేరులో డాక్టర్, నర్సుల నిర్లక్ష్యం కారణంగా నాలుగు నెలల గర్భిణి కన్నుమూసింది. బాధితులు, శ్రీరంగాపూర్ మండలం నాగసానిపల్లి గ్రామస్తుల కథనం ప్రకారం...గ్రామానికి చెందిన సరిత అలియాస్ పుష్పలత(22)కు 8 నెలల క్రితం చిన్నంబావి మండలం పెద్దదగడకు చెందిన ఎల్లస్వామితో పెండ్లయ్యింది. ప్రస్తుతం 4 నెలల గర్భిణి.. దీంతో సరిత పుట్టింటికి వెళ్లింది.
శనివారం రాత్రి వాంతులతో పాటు కడుపులో నొప్పి వస్తోందని పెబ్బేరులోని ఓ ప్రైవేటు దవాఖానకు తీసుకువెళ్లారు. డాక్టర్ అందుబాటులో లేకపోయినా నర్సులు అడ్మిట్ చేసుకున్నారు. డాక్టర్తో ఫోన్లో మాట్లాడి తే ఆయన మెసేజ్లు పంపించగా ట్రీట్మెంట్ చేశారు. తెల్లవారుజామున 3 గంటలకు పేషెంట్పరిస్థితి విషమంగా ఉందని నర్సులు డాక్టర్కు సమాచారం ఇవ్వగా వెంటనే వచ్చిన డాక్టర్సరితను కర్నూలు తీసుకువెళ్లాలని కోరాడు.
దీంతో కుటుంబసభ్యులు ప్రైవేటు అంబులెన్స్లో కర్నూలు తీసుకువెళ్లగా అప్పటికే చనిపోయినట్లు అక్కడి డాక్టర్లు నిర్ధారించారు. పోస్టుమార్టం చేసిన డాక్టర్లు కడుపులో రెండు గర్భసంచులు ఉండడంతో, అందులో ఒకటి బ్లాస్ట్అయి గర్భిణి మృతి చెందిందని చెప్పారని బాధిత కుటుంబసభ్యులు తెలిపారు. ఆగ్రహంతో పెబ్బేరులోని ప్రైవేటు దవాఖాన వద్దకు చేరుకొని ఆందోళన చేయాలని చూడగా పోలీసులు అడ్డుకున్నారు.
మృతదేహాన్ని పట్టణంలోకి రానివ్వకుండా బైపాస్వద్ద ఆపారు. అక్కడ ట్రాఫిక్ జామ్ అవుతోందని అంబులెన్సును పీజేపీ క్యాంపులో ఉంచారు. తర్వాత
బాధితురాలి బంధువులు, గ్రామస్తులు పెబ్బేరు పీఎస్లో హాస్పిటల్యాజమాన్యంతో పంచాయితీ నిర్వహించారని తెలిసింది. ఈ విషయమై ఎస్సై హరిప్రసాద్ రెడ్డిని వివరణ కోరగా ఘటనపై తమకు ఎలాంటి ఫిర్యాదు అందలేదని, శ్రీరంగాపూర్ స్టేషన్లో కేసు నమోదు కావచ్చని చెప్పారు.
