హైదరాబాద్, వెలుగు : సికింద్రాబాద్నుంచి తుక్కుగూడ మున్సిపాలిటీ పరిధిలోని ఫ్యాబ్సిటీకి ‘90/253టీ’ పేరుతో కొత్తగా బస్సర్వీసును ప్రారంభిస్తున్నట్లు గ్రేటర్ ఆర్టీసీ జోన్ఎగ్జిక్యూటివ్ డైరెక్టర్ వెంకటేశ్వర్లు శుక్రవారం తెలిపారు. జులై 1 నుంచి మొత్తం నాలుగు బస్సులను ప్రారంభిస్తున్నట్లు వెల్లడించారు. రాణిగంజ్ డిపో నుంచి తుక్కుగూడ, మహేశ్వరం మండలం మీదుగా ఈ బస్సులు నడుస్తాయన్నారు. డెయిలీ ఫ్యాబ్సిటీ, పరిసరాల్లో కొత్తగా ఏర్పాటైన పరిశ్రమల్లో పనిచేసేందుకు పెద్ద సంఖ్యలో ఉద్యోగులు, కార్మికులు వెళ్తున్నారు. వారికి సౌకర్యంగా ఉండేలా బస్సులను ఏర్పాటు చేస్తున్నామని తెలిపారు.
తుక్కుగూడ, మహేశ్వరం, ఆలుగడ్డ బావి, తార్నాక, ఎన్జీఆర్ఐ, సర్వే ఆఫ్ ఇండియా, నాగోలు మెట్రోస్టేషన్, నాగోలు, అల్కాపురి, సాగర్క్రాస్రోడ్స్, గాయత్రి నగర్, చంపాపేట క్రాస్రోడ్స్, పిసల్బండ, పూల్ బాగ్, బార్కాస్, సదర్నగర్, జల్ పల్లి క్రాస్రోడ్స్, పహాడీషరీఫ్, షీప్ఫామ్, సర్దార్నగర్, తక్కుగూడ, ఇమాంగూడ మీదుగా ఫ్యాబ్సిటీకి కొనసాగుతాయన్నారు.
రోజూ ఉదయం ఉదయం 6 గంటలకు సికింద్రాబాద్ నుంచి మొదటి బస్సు బయలుదేరుతుందని, ఆఖరి బస్సు 7.45కు ఉంటుందని చెప్పారు. అలాగే ఫ్యాబ్సిటీ నుంచి సాయంత్రం 7.40 గంటలకు మొదటి బస్సు, ఆఖరి బస్సు రాత్రి 9.35 గంటలకు బయలుదేరుతాయన్నారు.
