జులై నెలాఖరులోగా చేరనున్న 4 ఎయిర్ క్రాఫ్ట్లు
న్యూఢిల్లీ: రాఫెల్ ఫైటర్ ఎయిర్ క్రాఫ్ట్లు జులై నెలాఖరులోగా మన దేశానికి చేరనున్నాయి. ఫ్రాన్స్ ప్రభుత్వంతో కుదిరిన డీల్ లో భాగంగా తొలివిడత ఎయిర్ క్రాఫ్ట్లను అందుకోనున్నట్లు ప్రభుత్వ వర్గాలు తెలిపాయి. ఈ నెలలోనే ఎయిర్ క్రాఫ్ట్లు దేశానికి రావాల్సింది.. అయితే, కరోనా కారణంగా మన దేశంతో పాటు ఫ్రాన్స్ కూడా లాక్ డౌన్ విధించాయి. దీంతో ఎయిర్ క్రాఫ్ట్ల డెలివరీ లేటవుతోందని కంపెనీ వెల్లడించింది. ఈ యుద్ధవిమానాల రాకతో మన ఎయిర్ ఫోర్స్ కు మరింత బలం చేకూరనుంది. ఇప్పుడు రానున్న ఎయిర్ క్రాఫ్ట్లలో మూడు ట్విన్ సీటర్ ట్రైనర్ ఎయిర్ క్రాఫ్ట్ లతో పాటు ఒక సింగిల్ సీటర్ ఫైటర్ కూడా ఉందని, ఈ నాలుగు విమానాలు జులై నెలాఖరులోగా అంబాలా ఎయిర్ బేస్ లో దిగుతాయని తెలిపింది.
ఫ్రాన్స్తో రాఫెల్ డీల్ కుదర్చడంలో కీలక పాత్ర పోషించిన ఎయిర్ ఫోర్స్ చీఫ్ గౌరవార్థం ఈ విమానాలకు ఆర్బీ సిరీస్ లోని నెంబర్లు కేటాయించనున్నట్లు సమాచారం. ఫ్రాన్స్ నుంచి బయలుదేరే ఈ యుద్ధ విమానాలు మధ్యలో మిడిల్ ఈస్ట్ దేశాల్లో ఆగుతాయని, ఆలోపే ఫ్రాన్స్ ట్యాంకర్లు ఒకసారి వీటిలో ఫ్యూయెల్ నింపుతాయట. మిడిల్ ఈస్ట్ దేశాల నుంచి మన దేశానికి చేరుతాయని, ఈ మధ్యలో మన ఎయిర్ ఫోర్స్ ట్యాంకర్ విమానాలు గాల్లోనే వాటికి ఫ్యూయెల్ నింపుతాయని అధికారులు చెప్పారు. ఫ్రాన్స్ నుంచి ఈ విమానాలు నేరుగా మన దేశానికి రావొచ్చు.. కానీ సింగిల్ సీటర్ కెపాసిటీ కావడంతో కాక్ పిట్లో ఏకధాటిగా 10 గంటలపాటు కూర్చోవడం కష్టమని ఈ ఏర్పాటు చేసినట్లు తెలుస్తోంది. పైలట్ల ట్రైనింగ్ కూడా అయిపోయిందని సమాచారం. ఎయిర్ టు ఎయిర్, ఎయిర్ టు గ్రౌండ్ స్ట్రైక్ ల విషయంలో చైనా, పాక్లలోని ఎయిర్ క్రాఫ్ట్ల కన్నా రాఫెల్ ఎయిర్ క్రాఫ్ట్ల కెపాసిటీ ఎక్కువని ఎయిర్ ఫోర్స్ అధికారులు చెప్పారు.
రాఫెల్ డీల్ : 2016లో ఫ్రాన్స్ ప్రభుత్వంతో కుదుర్చుకున్న ఒప్పందం ప్రకారం.. ఫ్రాన్స్ 36 ఎయిర్ రాఫ్ట్లను రూ.60 వేల కోట్లతో కొనుగోలు చేసింది. ఈ డీల్ప్రకారం.. 2020 మే చివరిలోగా నాలుగు ఎయిర్ క్రాఫ్ట్లు డెలివరీ ఇవ్వాల్సింది. లాక్ డౌన్ ఎఫెక్ట్తో ఈ ఎయిర్ క్రాఫ్ట్ లు దేశానికి రావడం ఆలస్యమైంది.
ఎయిర్ క్రాఫ్ట్ల పేరు : రాఫెల్ ఫైటర్ ఎయిర్ క్రాఫ్ట్
ఇప్పుడుఎన్ని వస్తున్నయ్ : నాలుగు
జెట్ ల వివరాలు : మూడు ట్విన్ సీటర్లు, ఒక సింగిల్ సీటర్
ఎక్కడి వస్తున్నయ్ : అంబాలా ఎయిర్ బేస్
ఎప్పుడు : జులై నెలాఖరులోగా
తొలి ప్రయాణం : 17 గోల్డెన్ యారోస్ కమాండింగ్ ఆఫీసర్..
