పిల్లలు బీచ్కు వెళ్తే ఇసుకలో బాగా ఆడుకుంటారు. కానీ ఈ పద్నాలుగేళ్ల పాప మాత్రం పెంకులను, రాళ్లను కలెక్ట్ చేస్తుంది. వాటి గురించి రీసెర్చ్ చేస్తుంది. అలా పదేళ్ల నుంచే వీటిపై రీసెర్చ్ చేస్తున్న ఈ పాప పేరు అశ్వథ బిజు.
అశ్వథకు దేశంలోనే యంగెస్ట్ ప్యాలియంటాల జిస్ట్ ( జంతు శిలాజాలను స్టడీ చేసే సైంటిస్ట్) గా పేరుంది. ఇప్పటి వరకు 136 శిలాజాలు కలెక్ట్ చేసింది. అశ్వథకు తొమ్మిదేళ్లు ఉన్నప్పుడు మొదటిసారి చెన్నయ్లోని ఎగ్మూర్ మ్యూజియానికి వెళ్లింది. అక్కడ అమ్మోనైట్‌ శిలాజాలను చూసింది. దాన్ని చేతితో తాకినప్పుడు థ్రిల్లింగ్గా ఫీలయింది. అలాంటి శిలాజాలు ఎన్నో ఉంటాయని తెలుసుకుంది. అప్పటి నుంచి శిలాజాలను వెతకడం మొదలుపెట్టింది. అలా అశ్వథ పెరియార్‌ యూనివర్శిటీ జియాలజీ ప్రొఫెసర్‌ ఎంయు రామ్‌‌కుమార్‌‌ను కలుసుకున్నది. ఆయన ద్వారా ఇన్స్పైర్ అయింది. శిలాజాలను ఎక్కడ? ఎలా కనుగొనాలి? వాటిని ఎలా చూసుకోవాలి? వంటి ఎన్నో వివరాలు ఆయన నుంచి నేర్చుకుంది. తరువాతి నాలుగు సంవత్సరాల్లో తమిళనాడులోని అరియలూర్‌, గుండుపెరుంబేడు, మహారాష్ట్రలోని గడ్చిరోలి, సిరొంచా ప్రాంతాలకు వెళ్లి శిలాజాలను కనుక్కొంది. పాలియాంటాలజీలో తన ఎక్స్పీరియన్స్ గురించి సెమినార్లు నిర్వహించడానికి స్కూల్స్, కాలేజ్లు, మ్యూజియంలు అశ్వథను పిలుస్తుంటాయి. ఇప్పుడు తొమ్మిదో తరగతి చదువుతున్న అశ్వథ రోజులో కాసేపే చదువుకుం టుంది. ఆ తర్వాత పాలియాంటాలజీ పనిలోనే ఉంటుంది. ఖాళీ టైం దొరికితే కొత్త టెక్నాలజీ, కొత్త శిలాజాల గురించి వెతుకుతుంది.బాగా చదువుకొని, విదేశాల్లో మాలిక్యులర్‌ పాలియాంటాలజీ చదవాలి అనేది ఆ పాప గోల్.
