పారిస్: ఫ్రాన్స్ కొత్త ప్రధానిగా మిచెల్ బార్నియర్ (73) నియమితులయ్యారు. ఆపద్ధర్మ ప్రభుత్వం ఏర్పడిన 50 రోజులకు ఫ్రాన్స్ అధ్యక్షుడు ఇమ్మాన్యుయెల్ మెక్రాన్ ప్రధానిగా బార్నియర్ను నియమిస్తూ ఉత్తర్వులు జారీ చేశారు. బార్నియర్ గతంలో యూరోపియన్ యూనియన్ చీఫ్గా పని చేశారు. బ్రెగ్జిట్ సంధానకర్తగా వ్యవహరించారు. బార్నియర్ నియామకం సందర్భంగా మెక్రాన్ ఆఫీస్ ఓ ప్రకటనను జారీ చేసింది. దేశానికి, ఫ్రాన్స్కు సేవ చేయడానికి ఏకీకృత ప్రభుత్వాన్ని ఏర్పాటు చేసే బాధ్యత బార్నియర్కు ఉందని ఆ ప్రకటనలో తెలిపింది. బార్నియర్కు 50 ఏండ్లకు పైగా రాజకీయ అనుభవం ఉంది. ఫ్రెంచ్ ప్రభుత్వంలో విదేశాంగ, యూరోపియన్ వ్యవహారాలు, ఎన్విరాన్ మెంట్, అగ్రికల్చర్ మినిస్టర్ గా పని చేశారు. రెండు సార్లు యూరోపియన్ యూనియన్ కమిషనర్ గా వ్యవహరించారు.
