- రైతును ముంచిన సైబర్ చీటర్
- రూ.62 వేలు పోగొట్టుకున్న
- పాలమూరు జిల్లా దరిపల్లి వాసి
నవాబుపేట, వెలుగు : మేలు జాతి ఆవులిస్తానని ఫొటోలు పంపించి ఆన్లైన్ద్వారా రూ.62 వేలు వసూలు చేశాడో సైబర్మోసగాడు. ఎస్ఐ పురుషోత్తం కథనం ప్రకారం..మహబూబ్నగర్జిల్లా నవాబుపేట మండలం దరిపల్లి గ్రామానికి చెందిన రైతు రమేశ్కు ఆగస్టు 13న ఉదయం ఓ వ్యక్తి కాల్చేసి తన వద్ద మేలు జాతి ఆవులున్నాయని, తక్కువ ధరకు ఇస్తానని నమ్మించాడు.
ఆవుల ఫొటోలు పంపి సెలెక్ట్ చేసుకోమని చెప్పాడు. రైతు వాటిలో రెండు ఆవులను సెలెక్ట్ చేసుకున్నాడు. ఒక్కో ఆవు ధర రూ.45 వేలు అని తన నెంబర్కు రూ. 90 వేలు ఫోన్పే ద్వారా ట్రాన్స్ఫర్ చేయాలని కోరాడు. దీంతో రమేశ్మరుసటి రోజు కొంత డబ్బును ఫోన్పే ద్వారా పంపించాడు. అవతలి వ్యక్తి మరో నెంబర్, స్కానర్పంపించి మిగిలిన డబ్బులు ట్రాన్స్ఫర్ చేస్తే వెంటనే ఆవులను ఇంటికి పంపిస్తామని చెప్పాడు.
దీంతో రమేశ్రూ.62 వేలు ట్రాన్స్ఫర్ చేసి అవతలి వ్యక్తికి ఫోన్ చేయడానికి ప్రయత్నంచగా స్విచ్ఆఫ్వచ్చింది. నెల రోజులుగా కాల్చేస్తూనే ఉన్నా స్విచ్ఆఫ్చేసే ఉంది. దీంతో తాను మోసపోయానని గుర్తించి శుక్రవారం పోలీస్స్టేషన్లో ఫిర్యాదు చేశాడు.
