- చందానగర్ పీఎస్ పరిధిలోని
- గోపి చెరువు వద్ద ఘటన
చందానగర్, వెలుగు: చేతబడి చేయిస్తున్నాడనే అనుమానంతో స్నేహితుడిని కర్రలతో కొట్టి చంపారు. చందానగర్పీఎస్పరిధిలోని నెహ్రూనగర్ లో ఉండే నసీరుద్దీన్ చేతబడి చేయిస్తున్నాడని, అదే కాలనీలో ఉండే అతని స్నేహితుడు ఫక్రుద్దీన్ అనుమానం పెంచుకున్నాడు.
శుక్రవారం రాత్రి 8.30 గంటల సమయంలో మాట్లాడుకుందా రా.. అని నసీరుద్దీన్ను గోపి చెరువు వద్దకు తీసుకెళ్లాడు. అప్పటికే అక్కడికి చేరుకున్న మరో ముగ్గురు స్నేహితులతో కలిసి మద్యం తాగారు. చేతబడి విషయమై మాట్లాడుతూ ఫక్రుద్దీన్, మరో ముగ్గురితో కలిసి కర్రలతో నసీరుద్దీన్పై దాడిచేశారు.
తీవ్రంగా గాయపడిన నసీరుద్దీన్ స్పృహ కోల్పోయాడు. చికిత్స నిమిత్తం కొండాపూర్జిల్లా హాస్పిటల్కు తీసుకువెళ్లగా అప్పటికే మృతి చెందినట్లు డాక్టర్లు తెలిపారు. సీఐ పాలవెల్లి ఫక్రుద్దీన్, అతని స్నేహితులను అదుపులోకి తీసుకుని విచారిస్తున్నారు. మృతదేహాన్ని పోస్టుమార్టం నిమిత్తం గాంధీ హాస్పిటల్ కు తరలించారు. కేసు ఫైల్ అయింది.
