ఫేస్బుక్ కొత్త ఫీచర్ను తీసుకురాబోతోంది. ఇది ఫేస్బుక్ యూజర్ల ఫ్రెండ్షిప్ను మరింత బలపరచడంలో సాయపడనుంది. ఇంతకీ ఆ ఫీచర్ ఏంటంటే.. ‘ఫ్రెండ్స్’. ఫేస్బుక్లో ఫ్రెండ్స్ అనే కొత్త ట్యాబ్ రాబోతుంది. ఫేస్బుక్ యూజర్లు సాధారణంగా యూజర్లు వాళ్ల ఫాలోవర్స్, వాళ్ల ఇంట్రెస్ట్లను బట్టి ఫేస్బుక్ అకౌంట్ ఫీడ్లోని కంటెంట్ చూసేవాళ్లు. అయితే ఈ ‘ఫ్రెండ్స్’ అనే ట్యాబ్పై క్లిక్ చేయడం ద్వారా ఫేస్బుక్ టైమ్లైన్లో తమ ఫ్రెండ్స్ డీటెయిల్స్ మాత్రమే చూడగలిగే వీలుంది.
ఈ ట్యాబ్లో యూజర్లు తమ ఫ్రెండ్స్ స్టోరీలు, రీల్స్, పోస్ట్లు, డేట్ ఆఫ్ బర్త్ వంటి వివరాలు చూడగలరు. వీటితోపాటు వాళ్ల ఫ్రెండ్స్కు సంబంధించిన కంటెంట్ కూడా చూడగలరు. ఈ ఫీచర్ ఇన్స్టాగ్రామ్లో ఉన్న ‘ఫాలోయింగ్’, ‘క్లోజ్ ఫ్రెండ్స్’ ఫీచర్లలానే ఉంటుంది. అంటే మీరు ఫాలో అయ్యే వాళ్లు, ఫ్రెండ్స్ లిస్ట్లో ఉన్న పేజీల పోస్ట్లు, రీల్స్, స్టోరీస్ మాత్రమే యాప్లో కనిపిస్తాయి. ప్రస్తుతం ఈ ఫీచర్ అమెరికా, కెనడాలలో అందుబాటులో ఉంది. మనదేశానికి కూడా త్వరలోనే రానుంది. ఈ ట్యాబ్ హోమ్ ఫీడ్ నావిగేషన్ బార్లో కనిపిస్తుంది. ఈ ఫీచర్ని యాప్లోని బుక్మార్క్ సెక్షన్ నుంచి ఎప్పుడైనా యాక్సెస్ చేయొచ్చు.
స్టేటస్కి బ్యాక్గ్రౌండ్ సాంగ్
వాట్సాప్లో మరో కొత్త అప్డేట్ వచ్చేసింది. ఇక నుంచి వాట్సాప్లో స్టేటస్ పెట్టేటప్పుడు దానికి తగ్గట్టు మీకు నచ్చిన పాటను ట్యాగ్ చేయొచ్చట! మెటా ప్రకారం.. వాట్సాప్ యూజర్లు మిలియన్ల పాటలకు యాక్సెస్ పొందుతారు. స్టేటస్ అప్డేట్ చేసే సమయంలో వీడియో, ఫొటో, టెక్స్ట్ వంటి ఆప్షన్లతో పాటు మ్యూజిక్ జతచేసే ఐకాన్ కూడా అందుబాటులో ఉంది. స్టేటస్కు పాటను ఎలా జోడించాలంటే.. ముందుగా వాట్సప్లో స్టేటస్ సెక్షన్కి వెళ్లాలి.
అక్కడ యాడ్ స్టేటస్ ఐకాన్పై ట్యాప్ చేసి గ్యాలరీ నుంచి ఫొటో లేదా వీడియోను సెలక్ట్ చేయాలి. తర్వాత స్క్రీన్ పై కనిపించే మ్యూజిక్ ఐకాన్ను ట్యాప్ చేయాలి. అక్కడ ఉన్న పాటల లిస్ట్లో మీకు నచ్చిన పాట సెర్చ్ చేసి, ఎంపిక చేయాలి. తర్వాత డన్ మీద క్లిక్ చేయాలి. దాంతో స్టేటస్ చూసేవాళ్లకు మ్యూజిక్ కూడా వినిపిస్తుంది. యూజర్లు ఇమేజ్ స్టేటస్ కోసం15 సెకండ్లు, వీడియో స్టేటస్ కోసం అయితే 60 సెకండ్ల పాటు మ్యూజిక్ పెట్టొచ్చు. ఇందులో ఇంట్రెస్టింగ్ విషయం ఏంటంటే.. పాటలో ఏ లైన్లు పెడితే బాగుంటుందనిపిస్తోందో అంతవరకే సెలక్ట్ చేసి పెట్టొచ్చు. అంతేకాదు.. ఈ లిస్ట్లో ట్రెండింగ్ సాంగ్స్ కూడా ఉంటాయి.
