నితిన్, శ్రీలీల జంటగా వెంకీ కుడుముల తెరకెక్కిస్తున్న చిత్రం రాబిన్‌ హుడ్‌’. ఇటీవల టీజర్ రిలీజ్ చేసి ప్రమోషన్స్ స్టార్ట్ చేసిన టీమ్.. తాజాగా ఫస్ట్ సాంగ్‌‌‌‌తో మ్యూజిక్ ప్రమోషన్స్‌‌‌‌ను మొదలుపెట్టారు. ‘లుక్ ఇస్తే చాలే చాలు.. లక్కీగా ఫీలవుతాను. కిక్ వచ్చే టచ్ ఇస్తావా.. వన్ మోర్ టైమ్.. వన్ మోర్ టైమ్’ అంటూ సాగిన పాటలో నితిన్, శ్రీలీల స్టైలిష్ లుక్‌‌‌‌లో ఇంప్రెస్ చేస్తున్నారు. వీరిద్దరి డ్యాన్స్ మూమెంట్స్ అట్రాక్ట్ చేస్తున్నాయి. జీవీ ప్రకాష్ కుమార్ కంపోజ్ చేస్తూ విద్యా వోక్స్‌‌‌‌తో కలిసి పాడిన విధానం ఆకట్టుకుంది. ‘దక్కేలా కనిపిస్తాను.. హగ్ ఇస్తే ఐస్ అవుతాను.. ల్యాగ్ వద్దు.. ఇచ్చేయ్ ఇంకా వన్ మోర్ టైమ్ వన్ మోర్ టైమ్’ అంటూ కృష్ణకాంత్ రాసిన లిరిక్స్ క్యాచీగా ఉన్నాయి.
ఫారిన్‌‌‌‌లో చిత్రీకరించిన ఈ సాంగ్ విజువల్స్ సినిమాపై క్యూరియాసిటీని పెంచుతున్నాయి. రాజేంద్రప్రసాద్, వెన్నెల కిషోర్ ఇతర పాత్రలు పోషిస్తున్న ఈ చిత్రాన్ని మైత్రీ మూవీ మేకర్స్ బ్యానర్‌‌‌‌‌‌‌‌పై నవీన్ యెర్నేని, రవిశంకర్ యలమంచిలి నిర్మిస్తున్నారు. జీవీ ప్రకాష్ కుమార్ సంగీతం అందిస్తున్నాడు. క్రిస్మస్ సందర్భంగా డిసెంబర్ 25న ప్రేక్షకుల ముందుకొస్తోంది.
