సత్యదేవ్, డాలీ ధనంజయ లీడ్ రోల్స్‌‌లో ఈశ్వర్ కార్తీక్ దర్శకత్వంలో తెరకెక్కుతున్న చిత్రం ‘జీబ్రా’. ప్రియా భవానీ శంకర్, జెన్నిఫర్ పిక్కినాటో హీరోయిన్స్‌. ఎస్.ఎన్ రెడ్డి, ఎస్. పద్మజ, బాల సుందరం, దినేష్ సుందరం నిర్మిస్తున్నారు. ఇప్పటికే విడుదలైన ప్రమోషనల్ కంటెంట్‌‌కి మంచి రెస్పాన్స్ వచ్చింది. సోమవారం ఫస్ట్ సాంగ్‌‌ను రిలీజ్ చేశారు. రవి బస్రూర్ కంపోజ్ చేసిన ఈ మెలోడీ ఆకట్టుకుంది.
తేరీ మేరీ.. తేరీ మేరీ.. కొత్తగా ఉంది ఈ కహానీ.. మళ్లీ మళ్లీ జరుగుతున్నది.. ఏరీ కోరి ఏరీ కోరి.. మొదలైంది ఈ సవారీ.. కళ్లముందు సో మేనీ..’ అంటూ పూర్ణాచారి రాసిన లిరిక్స్ ఇంప్రెస్ చేస్తున్నాయి. విజయలక్ష్మి, సంతోష్ వెంకీ కలిసి పాడారు. ఇందులో సత్యదేవ్, ప్రియా భవానీ శంకర్ లుక్స్, వారి మధ్య కెమిస్ట్రీ ఆకట్టుకుంది. సత్యరాజ్, సునీల్ కీలక పాత్రలు పోషిస్తున్న ఈ చిత్రం నవంబర్ 22న విడుదల కానుంది.
