సిరికొండ,వెలుగు : పర్యావరణ పరిరక్షణ అందరి బాధ్యత అని ఎఫ్ఆర్వో వినయ్ నాయక్ పేర్కొన్నారు. సత్యశోధక్ గ్రీన్ కోర్ యూనిట్ఆధ్వర్యంలో శనివారం సిరికొండలో పర్యావరణం పచ్చదనం, అడవుల సంరక్షణపై స్టూడెంట్స్కు అవగాహన కల్పించారు.
విద్యార్థులు తమ బర్త్డే రోజు మొక్కలు నాటాలని సూచించారు. అనంతరం మొక్కల పెంపకం ఆవశ్యకతపై యన్జీసీ గోడప్రతులను ఆవిష్కరించారు. వివిధ అంశాల్లో ప్రతిభ చూపిన స్టూడెంట్స్కు జ్ఞాపికలు అందజేశారు. డీఆర్వో గంగారం, ప్రిన్సిపల్ రావుట్ల నర్సయ్య, ఫారెస్ట్ సిబ్బంది పాల్గొన్నారు.
