ఒక ప్లేస్ నుంచి మరో ప్లేస్ కి…భూమిని జరుపుతారట!

గ్లోబల్​ వార్మింగ్​ (భూతాపం) ఎఫెక్ట్​ భూమిపై అంతా ఇంతా లేదు. దాని ప్రభావాన్ని తగ్గించేందుకు ప్లాస్టిక్​ వాడకాన్ని తగ్గించాలంటున్నారు. వాహనాల నుంచి వచ్చే పొగ కాలుష్యాన్ని నియంత్రించాలంటున్నారు. మొక్కలు నాటాలంటున్నారు.. అడవులు పెంచాలంటున్నారు. ఇంకొందరైతే భవిష్యత్తులో వేరే గ్రహం మీదకే వెళ్లాలంటున్నారు. ఇవి గాకుండా వేరే ప్రత్యామ్నాయాలు లేవా? అంటే, మహత్తర మార్గం ఉందంటున్నారు. అదే భూమిని ‘షిఫ్ట్​’ చేయడం. ఏం అది ఇంటిని మార్చినంత ఈజీనా ఏంది? కాదు, అస్సలు కానే కాదు. ఇటీవల నెట్​ఫ్లిక్స్​లో ద వాండరింగ్​ ఎర్త్​ అనే చైనా కల్పిత సైన్స్​ సినిమా రిలీజ్​ అయింది. ఆ సినిమాలో మానవాళి మనుగడ కోసం భూమి కక్ష్యను మారుస్తారు. అంటే, సూర్యుడి నుంచి దూరంగా తీసుకెళ్లిపోతారు. అదే నిజ జీవితంలో ఏదో ఒక రోజు నిజంగా నిజమవుతుందని సైంటిస్టులు అంటున్నారు. యూనివర్సిటీ ఆఫ్​ గ్లాస్గోకు చెందిన స్పేస్​ సిస్టమ్స్​ ఇంజనీరింగ్​ ప్రొఫెసర్​ మాటియో సెరియోటి ఆ సిద్ధాంతాలను వివరించారు. భూమిని వేరే చోటుకు ఎలా షిఫ్ట్​ చేయొచ్చో చెప్పారు.

సూర్యుడు భూమిని కాల్చేస్తాడు….

ఇప్పుడే గ్లోబల్​ వార్మింగ్​తో భూమి మండిపోతోంది. మరో 500 కోట్ల ఏళ్లలో భూమిని సూర్యుడు కాల్చేస్తాడట. సూర్యుడిలోని శక్తి మొత్తం విశ్వంతరాలకు వ్యాపించి భూమిని మసి చేసేస్తుందట. దానికి మంచి పరిష్కారం భూమిని వేరేచోటుకు మార్చడమేనన్నది సాధ్యమయ్యే ఓ సిద్ధాంతమని చెబుతున్నారు మాటియో. ఆ విషయంలో ఎదురయ్యే ఇంజనీరింగ్​ సవాళ్లేంటి? ఉదాహరణకు సూర్యుడి నుంచి ఇప్పుడున్న దూరానికి 50 శాతం దూరంగా భూమిని తీసుకెళ్లాలంటే ఏం చేయాలి అన్న దానిపై వివరణలు ఇచ్చారు. అంటే భూమి గమనాన్ని మార్స్​ (అంగారకుడి కక్ష్య) లైన్​లోకి తీసుకెళ్లిపోవడమన్నమాట. ఇంపల్సివ్​, డిస్ట్రక్టివ్​ యాక్షన్​ ఒక మార్గం. ఓ ఆస్టరాయిడ్​కు దగ్గర్లో లేదా దానిపైనే అణు పేలుళ్లు జరపడం. లేదా మితిమీరిన వేగంతో ఆస్టరాయిడ్​ను స్పేస్​క్రాఫ్ట్​తో ఢీకొట్టించడం. ఇవన్నీ భూమి విషయంలో అసాధ్యం. ఇంకో టెక్నిక్​.. కొన్నేళ్లపాటు కొంచెం కొంచెంగా భూమిని పక్కకు జరపడం. ఓ ఆస్టరాయిడ్​పై ఉన్న టగ్​బోట్​తో భూమిని జరుపుతారు. కానీ, పెద్ద పెద్ద ఆస్టరాయిడ్​లైనా భూమి బరువు దృష్ట్యా అదీ అసాధ్యమైన పనే. మరి, ఏం చేయాలి?

ఎలక్ట్రిక్​ థ్రస్టర్స్​…

నిజానికి ఇప్పటికే భూమి కొద్దికొద్దిగా తన ఆర్బిట్​ నుంచి పక్కకు జరుగుతోందని మాటియోస్​ అంటున్నారు. అంతరిక్ష ప్రయోగం చేసిన ప్రతిసారీ, భూమికి వ్యతిరేక దిశలో ఎంతోకొంత ఇంపల్స్​ (శక్తి) పుట్టుకొస్తూనే ఉందని, అది కొంచెమైనా భూమిని పక్కకు జరుపుతుందని అంటున్నారు. అయితే, ఈ ప్రభావం చాలా తక్కువ. ప్రస్తుతం భూమిపై అత్యంత శక్తిమంతమైన రాకెట్​ స్పేస్​ఎక్స్​కు చెందిన ఫాల్కన్​ హెవీ రాకెట్​. ఒకవేళ భూమిని అనుకున్న దూరం జరపాలనుకుంటే, ఆ రాకెట్​తో 30 లక్షల కోట్ల కోట్ల (300 బిలియన్​ బిలియన్​) ప్రయోగాలు చేయాల్సి ఉంటుంది.  అంత చేసినా మార్స్​ ఆర్బిట్​లోకి భూమి వెళ్లేది 15 శాతమే. దానికి భిన్నంగా ఎలక్ట్రిక్​ థ్రస్టర్​తో శక్తిని సృష్టించి, భూమికి సమానమైన లేదా దానికన్నా ఎక్కువ బరువును సృష్టించి భూమిని పక్కకు జరపొచ్చు. ప్రత్యేకించి అయాన్​ డ్రైవ్స్​తో ఆ ఎలక్ట్రిక్​ థ్రస్ట్​ను సృష్టించొచ్చంటున్నారు. అయాన్​ డ్రైవ్​ సిస్టమ్​ ఎలా పనిచేస్తుందంటే, రాకెట్​ ముందుకు దూసుకెళ్లేలా చార్జ్​డ్​ పార్టికల్స్​ను విడుదల చేస్తుంది. సేమ్​ అలాగే భూమికి వ్యతిరేక దిశలో ఈ అయాన్​ డ్రైవ్స్​ ద్వారా చార్జ్​డ్​ పార్టికల్స్​ను రిలీజ్​ చేసి భూమిని వేరేచోటుకు మార్చేలా చేయొచ్చట. భూమితో కనెక్షన్​ ఉండేలా భూ వాతావరణానికి దూరంగా సముద్ర మట్టానికి వెయ్యి కిలోమీటర్ల ఎత్తులో ఈ పెద్ద థ్రస్టర్లను పెట్టాలంటున్నారు. సెకనుకు 40 కిలోమీటర్ల వేగంతో అయాన్​ బీమ్  చార్జ్​డ్​ పార్టికల్స్​ను కరెక్ట్​ దిశలో పంపితే భూమి పక్కకు కదిలే అవకాశముంటుందంటున్నారు.

లైట్​తో ప్రయాణం…

కాంతికి ప్రవాహ దిశ ఉంటుంది కానీ, బరువు (ద్రవ్యరాశి) ఉండదు. సూర్యుడి శక్తిని వాడుకుంటూ లేజర్​ లాంటి లైట్​ బీమ్​తో భూమిని జరపొచ్చని మాటియో చెబుతున్నారు. 100 గిగావాట్ల లేజర్​ ప్లాంట్​తో ఈ ప్రయోగం చేపట్టినా అదే 30 లక్షల కోట్ల కోట్ల సంవత్సరాలు పడుతుందంటున్నారు. అది గాకుండా సూర్యుడి నుంచే కాంతిని నేరుగా భూమిపైకి ప్రయోగిస్తూ పక్కకు జరపొచ్చని చెబుతున్నారు. అయితే, అందుకు భూమి వ్యాసం కన్నా 19 రెట్ల పెద్దదైన రిఫ్లెక్టివ్​ డిస్క్​ వాడాలంటున్నారు. దానికీ వంద కోట్ల ఏళ్లు పడుతుందని చెబుతున్నారు.

ఇంటర్​ప్లానెటరీ బిలియర్డ్​….

రెండు గ్రహాలు లేదా స్పేస్​ బాడీస్​ తిరిగే గతి, వేగం, గురుత్వాకర్షణ బలాలు మార్చేందుకు ఈ టెక్నిక్​నే వాడతారని మాటియో చెబుతున్నారు. ఇంటర్​ప్లానెటరీ (గ్రహాంతర) ప్రయోగాలకు ఎక్కువగా వాడతారని అంటున్నారు. ఉదాహరణకు 2014–16 మధ్య 67పీ అనే తోకచుక్కపై రోసెట్టా స్పేస్​క్రాఫ్ట్​ ప్రయోగాలు చేసింది. 2005, 2007లో రెండు సార్లు అది భూమికి అతి దగ్గర నుంచి వెళ్లిందని, అప్పుడు భూమి గురుత్వాకర్షణ బలాలు 67పీకి కొంచెం వెళ్లాయని ఆ పరిశోధనలో తేలినట్టు ఆయన చెప్పారు. దాని​ ప్రభావమూ భూమిపై ఉందన్నారు. ఒక్క థ్రస్టర్స్​ వల్ల ఇదంతా సాధ్యం కాదన్నారు. పెద్ద స్పేస్​క్రాఫ్ట్​ కన్నా పెద్దదైన ఆస్టరాయిడ్​తో స్లింగ్​షాట్​తో దీనిని సాధ్యం చేయొచ్చంటున్నారు. అయితే, దాని ఆర్బిట్​ చాలా తక్కువగా ఉంటుంది కాబట్టి, ఆ ప్రయోగాన్ని చాలా సార్లు చేయాల్సి ఉంటుందని వివరించారు. అలాచేస్తే భూమి కక్ష్య మారుతుందన్నారు. ఆస్టరాయిడ్​లే ప్రధాన సోర్సుగా వాడుకున్నట్లయితే కొన్ని లక్షల కోట్ల ఆస్టరాయిడ్లు భూమి దగ్గరి నుంచి వెళ్లాల్సి ఉంటుందని, అప్పుడు వాటి గురుత్వ బలాలు తోడై భూమి పక్కకు తొలిగే అవకాశాలుంటాయని వివరిస్తున్నారు. దానికీ ఓ వెయ్యేళ్ల టైం పడుతుందన్నారు. అన్నింట్లోకెల్లా లక్షల ఆస్టరాయిడ్ల స్లింగ్​ షాట్​తో భూమిని జరపడమే మేలైన విధానమని వివరించారు. మనం ఎంత పెద్ద స్పేస్​ నిర్మాణాలు చేపడతామన్నదానిపైనే  ఇది ఆధారపడి ఉందన్నారు. కష్టమే అయినా భూమిని వేరే చోటుకు మార్చడమన్నది జరిగే పనేనని మాటియో వివరించారు.