మెట్ పల్లి, వెలుగు: జగిత్యాల జిల్లా మెట్ పల్లి మండలం రాజేశ్వరరావు పేట పంప్ హౌజ్ నుంచి ఎస్సారెస్పీ వైపు నాలుగు మోటార్ల ద్వారా ఎత్తిపోతలు షురువయ్యాయి. గురువారం పొద్దున ఇరిగేషన్ ఆఫీసర్లు పంపుహౌజ్ వద్ద ఒక్కొక్కటిగా నాలుగు మోటార్లు ఆన్ చేసి వరద కాల్వలోకి నీళ్లు ఎత్తిపోయడం ప్రారంభించారు.
వరద కాల్వ ద్వారా ముప్కాల్ పంప్ హౌజ్ కు ఈ నీళ్లు తరలిస్తున్నారు. అక్కడి నుంచి మోటార్ల ద్వారా ఎస్సారెస్పీలోకి తరలించనున్నారు. రాజేశ్వరరావు పేట పంప్ హౌజ్ నుంచి 0.2 టీఎంసీల నీటిని వరద కాల్వ ద్వారా ఎత్తిపోశామని పంప్ హౌజ్ ఏఈ సంతోష్ కుమార్ తెలిపారు.
