- ఇప్పటికే ఆశ్రమ స్కూళ్లలో అమలు
- త్వరలో హాస్టళ్లలో ఇంప్లిమెంట్ చేసేందుకు సన్నాహాలు
హైదరాబాద్ సిటీ, వెలుగు: ప్రస్తుతం ప్రభుత్వ స్కూళ్లలో మాత్రమే ఉన్న ఫేషియల్ రికగ్నిషన్ సిస్టం (ఎఫ్ఆర్ఎస్) అటెండెన్స్ త్వరలో వెల్ఫేర్ హాస్టళ్లలో కూడా అమలు కానుంది. ఇందులో భాగంగా ఇటీవల హైదరాబాద్ జిల్లాలోని రెండు ఆశ్రమ స్కూళ్లలో ఎఫ్ఆర్ఎస్ అటెండెన్స్ తీసుకొచ్చారు. త్వరలో అన్ని హాస్టళ్లలో అమలు చేసేందుకు సన్నాహాలు చేస్తున్నారు. బుక్లో అటెండెన్స్నమోదు చేయడం వల్ల స్టూడెంట్లు, టీచర్లు, మెస్వివరాలు పక్కాగా తెలిసేవి కాదు. స్టూడెంట్స్ వివరాలను తప్పుగా నమోదు చేయడం వల్ల అనేక అక్రమాలు జరిగేవి.
ఆశ్రమ స్కూళ్లలో ఎఫ్ఆర్ఎస్తో అలాంటి అక్రమాలకు చెక్పడిందని అధికారులు చెబుతున్నారు. ఏ రోజూ ఎంత మంది స్టూడెంట్స్ హాజరయ్యారు? టీచర్లు ఎంత మంది, ఏ సమయానికి వస్తున్నారు? అనే విషయాలు ఎప్పటికప్పుడు సంబంధిత పోర్టళ్లలో నమోదు అవుతున్నాయని పేర్కొన్నారు.ప్రస్తుతం వెల్ఫేర్హాస్టళ్లలో ఎంత మంది స్టూడెంట్స్ ఉంటున్నారనే విషయం అధికారులకు స్పష్టంగా తెలియట్లేదు. అలాగే లేని స్టూడెంట్స్ను కూడా ఉన్నట్లు చూపించి అవకతవకలకు పాల్పడుతున్నారనే ఆరోపణలు ఉన్నాయి.
దీంతో వెల్ఫేర్ హాస్టళ్లలో కూడా ఎఫ్ఆర్ఎస్ తీసుకొస్తే, వీటన్నింటికి చెక్ పడుతుందని అధికారులు భావిస్తున్నారు. గతంతోనే వెల్ఫేర్ హాస్టళ్లలో ఎఫ్ఆర్ఎస్ అటెండెన్స్ తీసుకురావాలని నిర్ణయించినా... అమలుకు నోచుకోలేదు. ఇప్పుడు పక్కాగా ఎఫ్ఆర్ఎస్ తీసుకొస్తే చాలా అవకతవకలకు చెక్ పడే అవకాశం ఉంటుందని అధికారులు అభిప్రాయపడుతున్నారు.
