న్యూఢిల్లీ: చాట్జీపీటీ వంటి ఆర్టిఫిషియల్ ఇంటెలిజెన్స్ (ఏఐ) టూల్స్ వాడకం వేగంగా పెరగడం వల్ల కొత్త ఉద్యోగాలు పుట్టుకొస్తున్నాయి. ఏఐ, చాట్జీపీటీలపై పనిచేసే వారికి భారీ జీతాలు వస్తాయని ఎక్స్పర్ట్స్ చెబుతున్నారు. ఏఐ ఆధారిత టెక్నాలజీలపై పనిచేసేందుకు ప్రాంప్ట్ ఇంజనీర్లు కావాలి. వీళ్లు మెరుగైన ఫలితాలను అందించడానికి ఏఐ సిస్టమ్‌‌‌‌‌‌‌‌‌‌‌‌‌‌‌‌లలో మార్పులు చేస్తారు. దీనిని ఏఐ కాక్సింగ్ అంటారు. ఏఐ, చాట్జీపీటీ వంటి వాటిని సమర్థవంతంగా వాడుకోవడానికి వర్క్ఫోర్స్కు శిక్షణ ఇస్తారు. ప్రాంప్ట్ ఇంజనీర్లు సంవత్సరానికి 3,35,000 డాలర్లు లేదా రూ.2 కోట్ల వరకు సంపాదించవచ్చు.
వీళ్లు మెసేజ్లు లేదా ఓపెన్ఏఐ, చాట్ జీపీటీ వంటి టూల్స్ కోసం 'ప్రాంప్ట్‌‌‌‌‌‌‌‌‌‌‌‌‌‌‌‌లు' రాస్తారు. గూగుల్ పేరెంట్ ఆల్ఫాబెట్ , ఓపెన్ఏఐ, మెటా ప్లాట్ఫామ్స్ సహా అనేక కంపెనీలు లార్జ్ లాంగ్వేజ్ మోడల్స్ లేదా ఎల్ఎల్ఎంలు అని పిలిచే డజనుకు పైగా ఆర్టిఫిషియల్ ఇంటెలిజెన్స్ లాంగ్వేజ్ సిస్టమ్స్ను తీసుకొచ్చాయి. వీటికీ ప్రాంప్ట్ ఇంజనీర్ల సేవలు కావాలి. ఆంత్రోపిక్ క్లారిటీ వంటి కంపెనీలు ఏఐ టూల్స్ నుంచి తగినంత అవుట్‌‌‌‌‌‌‌‌‌‌‌‌‌‌‌‌పుట్‌‌‌‌‌‌‌‌‌‌‌‌‌‌‌‌ను సాధించడానికి ప్రాంప్ట్ ఇంజనీర్ల సేవలను వాడుకుంటాయి. మెషిన్ లెర్నింగ్ లేదా ఎథిక్స్‌‌‌‌‌‌‌‌‌‌‌‌‌‌‌‌లో పీహెచ్‌‌‌‌‌‌‌‌‌‌‌‌‌‌‌‌డీలు ఉన్న వారికి లేదా ఏఐ కంపెనీలను స్థాపించిన వారికి ఇలాంటి ఆఫర్లు ఎక్కువగా వస్తున్నాయి.
ఏ సబ్జెక్టు చదివినా..
చరిత్ర, తత్వశాస్త్రం, ఇంగ్లీష్ సబ్జెక్టులు చదివిన వాళ్లు కూడా ప్రాంప్ట్ ఇంజనీర్లుగా పనిచేయవచ్చని ఇంగ్లండ్‌ లేటన్‌ స్టోన్‌‌‌‌‌‌‌‌‌‌‌‌‌‌‌‌లోని కన్సల్టెన్సీ సంస్థ ముడానోలో ప్రాంప్ట్ ఇంజనీర్ ఆల్బర్ట్ ఫెల్ప్స్ చెప్పారు. తాను, తన కొలీగ్స్ రోజులో ఎక్కువ భాగం మెసేజ్లు లేదా ఓపెన్ఏఐ చాట్జీపీటీ వంటి టూల్స్ కోసం 'ప్రాంప్ట్'లను రాస్తూ ఉంటామని అన్నారు. తర్వాత వీటిని ఇతరులు ఉపయోగించేందుకు ఓపెన్ఏఐ ప్లేగ్రౌండ్‌‌‌‌‌‌‌‌‌‌‌‌‌‌‌‌లో ప్రీసెట్‌‌‌‌‌‌‌‌‌‌‌‌‌‌‌‌లుగా సేవ్ చేస్తామని వివరించారు.
ప్రాంప్ట్ ఇంజనీర్ రోజుకు ఐదు వేర్వేరు ప్రాంప్ట్‌‌‌‌‌‌‌‌‌‌‌‌‌‌‌‌లను రాస్తారని ఫెల్ప్స్ చెప్పారు. ఆంత్రోపిక్, గూగుల్- మద్దతు గల కంపెనీలు శాన్ ఫ్రాన్సిస్కోలో 'ప్రాంప్ట్ ఇంజనీర్ లైబ్రేరియన్' జాబ్స్కోసం ప్రకటనలు ఇచ్చాయి. 335,000 డాలర్ల వరకు జీతాలను ఆఫర్ చేస్తున్నాయి. కాలిఫోర్నియాలోని ఆటోమేటెడ్ డాక్యుమెంట్ రివ్యూయర్ క్లారిటీ కూడా ' మెషిన్ లెర్నింగ్ ఇంజనీర్’ కోసం 2,30,000 డాలర్ల వరకు ఇస్తోంది. టెక్ కంపెనీలే కాదు ఇతర సంస్థలకు కూడా ఏఐ ఎక్స్పర్ట్స్ కోసం చూస్తున్నాయి.
