హైదరాబాద్ లో వర్షానికి భారీగా ట్రాఫిక్ జామ్ అయ్యింది. కొన్ని చోట్ల గాలి వానకు చెట్లు విరిగిపడ్డాయి.దీంతో రోడ్డు మార్గాన వెళ్లే వాహనదారులు తీవ్ర ఇబ్బందులు పడుతున్నారు. బంజారాహిల్స్,జూబ్లీహిల్స్ , ఖైరతాబాద్, లక్డీకపూల్, పంజాగుట్ట, సికింద్రాబాద్,కూకట్ పల్లి, బషీర్ బాగ్, అల్వాల్, బాల్ నగర్ , ఎరియాల్లో గాలి దుమారం, రాళ్ళ వాన పడింది. గచ్చిబౌలి, హైటెక్ సిటీ, కొండాపూర్, . భారీ వర్షానికి ఎక్కడిక్కడ నీళ్లు నిలిచిపోయాయి. భారీగా ట్రాఫిక్ జామ్ అయ్యింది. కిలోమీటర్ల మేర వాహనాలు నిలిచిపోయాయి. ఆఫీసుల నుంచి ఇండ్లకు వెళ్లే టైం కావడంతో వాహనదారులు ఇబ్బందిపడుతున్నారు.
మరో వైపు రాత్రి 8 గంటల 30 నిమిషాల వరకు హైదరాబాద్ లో భారీ వర్షాలు పడతాయని వాతావరణ శాఖ హెచ్చరించింది. అవసరమైతే తప్ప బయటకు రావొద్దని సూచించింది.
ఒక్కసారిగా మారిన వాతావరణంతో పలు చోట్ల గాలి వాన కురుస్తుంది..ప్రకృతి విలయం చేస్తుందన్న రీతిలో గాలితో కూడిన వర్షం పడుతుంది..బేగంపేట, రాణిగంజ్,ప్యారడేజ్,ప్యాట్నీ, మారేడ్ పల్లి,సీతాఫల్ మండి,మోండా మార్కెట్,రెజిమెంటల్ బజార్, బోయిన్ పల్లి తోపాటు తదితర ప్రాంతాల్లో భారీ ఈదురు గాలితో కుడి వర్షం పడుతుంది.
