పూర్తి స్థాయి విద్యుత్ ఎయిర్ ట్యాక్సీ సేవలను భారత్లో 2026 నాటికి ప్రారంభిస్తామని ఇండిగో మాతృ సంస్థ ఇంటర్చ్ ఎంటర్ప్రైజెస్ వెల్లడించింది. ఇందుకోసం అమెరికా మాతృసంస్థ ఆర్చర్ ఏవియేషన్తో భాగస్వామ్యం కుదుర్చుకుంది. ఇంటర్ గ్లోబ్ ఎంటర్ప్రైజెస్కు ఆర్చర్ ఏవియేషన్ విద్యుత్ తో నడిచే 200 ఎలక్ట్రిక్ వెర్టికల్ టేకాఫ్ అండ్ ల్యాండింగ్ విమానాలను సరఫరా చేస్తున్నది. ఆర్చర్ ఏవియేషన్ ప్రస్తుతం అమెరికా నియంత్రణ సంస్థ ఫెడరల్ ఏవియేషన్ అడ్మినిస్ట్రేషన్(ఎస్ఏ)తో చర్చలు జరుపుతున్నది. తమ విమానానికి సర్టిఫికేషన్ ప్రక్రియ తుది ద శల్లో ఉందని వచ్చే ఏడాదిలో సర్టిఫికేషన్ రావొచ్చని అనంతరం డైరెక్టరేట్ జనరల్ ఆఫ్ సివిల్ ఏవియేషన్ (డీజీసీఏ) వద్ద అనుమతుల ప్రక్రియను ప్రారంభించనున్నట్లు వెల్లడించింది.
విద్యుత్ ఎయిర్ ట్యాక్సీలు
ఈ విద్యుత్ ట్యాక్సీల్లో పైలట్తోపాటు నలుగురు ప్రయాణించొచ్చు. ఇవి హెలీకాప్టర్ మాదిరిగా పనిచేస్తాయి. కానీ తక్కువ శబ్దం, అధిక భద్రతను కలిగి ఉంటాయి. 200 ఈవీటీఓఎల్ల ధర దాదాపు బిలియన్ డాలర్లు(రూ.8300 కోట్లు). ఢిల్లీతోపాటు ముంబయి, బెంగళూరుల్లో కూడా ఎయిర్ ట్యాక్సీ సేవలను ప్రారంభించడానికి ఇంటర్ గ్లోబ్, ఆర్చర్ ఏవియేషన్ సంయుక్త సంస్థ చూస్తోంది.
