గచ్చిబౌలి, వెలుగు: శిల్పా లేఅవుట్లెవల్–2 ఫ్లైఓవర్ నిర్మాణ పనుల కారణంగా ఐదు రోజుల పాటు గచ్చిబౌలి జంక్షన్లోని ఫ్లైఓవర్ను క్లోజ్ చేస్తున్నట్లు సైబరాబాద్ ట్రాఫిక్ జాయింట్ సీపీ జోయల్డేవిస్గురువారం ఓ ప్రకటనలో తెలిపారు. ఎస్ఆర్డీపీ ప్రాజెక్టులో భాగంగా ఓఆర్ఆర్నుంచి గచ్చిబౌలి జంక్షన్మీదుగా కొండాపూర్వైపు జీహెచ్ఎంసీ ఫ్లైఓవర్నిర్మిస్తోంది.
ఆ పనుల్లో భాగంగా ఈ నెల 8 నుంచి 12వ తేదీ వరకు రాత్రి 11 గంటల నుంచి ఉదయం 6 గంటల వరకు గచ్చిబౌలి ఫ్లైఓవర్ను క్లోజ్చేస్తున్నట్లు జాయింట్సీపీ స్పష్టం చేశారు. ఆ టైంలో బయోడైవర్సిటీ జంక్షన్ నుంచి ఐఐఐటీ జంక్షన్వైపు వెళ్లే వాహనదారులు ఫ్లైఓవర్ కింది నుంచి టెలికాంనగర్, గచ్చిబౌలి జంక్షన్ మీదుగా ఐఐఐటీ వైపు వెళ్లాలి. ఐఐఐటీ జంక్షన్నుంచి బయోడైవర్సిటీ జంక్షన్వైపు వెళ్లే వాహనదారులు ఫ్లైఓవర్పక్క నుంచి గచ్చిబౌలి జంక్షన్ మీదుగా బయోడైవర్సిటీ వైపు వెళ్లాలి.
