పెద్దపల్లి/మంథని/ధర్మారం/ వెలుగు: గడ్డం వంశీకృష్ణ ఎంపీగా గెలువడంతో పెద్దపల్లి జిల్లా వ్యాప్తంగా పండుగ వాతావరణం నెలకొంది. మంగళవారం ఉదయం కౌంటింగ్ స్టార్ట్ అయినప్పటి నుంచి వంశీ లీడ్ కొనసాగుతుండడంతో అభిమానులు సంబురాలు చేసుకున్నారు.
గెలుపు ప్రకటన రాగానే జిల్లా వ్యాప్తంగా మంథని, పెద్దపల్లి, రామగిరి, ధర్మారం, గొల్లపల్లి, కమాన్పూర్, గోదావరిఖని ఇతర ప్రాంతాల్లో పటాకులు పేల్చి స్వీట్లు పంచుకున్నారు. కార్యక్రమంలో సయ్యద్ సజ్జాద్, బాలసాని సతీశ్‌, కొండి సతీశ్‌, బండారి సునీల్, గంగుల సంతోష్ తో పాటు గడ్డం వంశీ అభిమానులు పాల్గొన్నారు.
