బెల్లంపల్లి రూరల్, వెలుగు: భూ కబ్జాలకు పాల్పడే ఎమ్మెల్యే దుర్గం చిన్నయ్యను ఓడించాలని బెల్లంపల్లి కాంగ్రెస్అభ్యర్థి గడ్డం వినోద్ఓటర్లను కోరారు. కాసిపేట మండలంలోని బీఆర్ఎస్, ఇతర పార్టీల నుంచి కాంగ్రెస్ లోకి ఆదివారం భారీగా చేరికలు జరిగాయి. మాజీ మంత్రి గడ్డం వినోద్ఆధ్వర్యంలో లంబాడి తండా, సోమగూడం(కె), సండ్రల్పాడ్, మామిడిగూడ గ్రామాలకు చెందిన బీఆర్ఎస్నాయకులు పార్టీలోకి చేరగా వారికి కండువాలు కప్పి పార్టీలోకి ఆహ్వానించారు.
ఈ సందర్భంగా వినోద్మాట్లాడుతూ ఎమ్మెల్యే దుర్గం చిన్నయ్య భూకబ్జాలు తప్ప నియోజకవర్గానికి చేసిందేమీ లేదన్నారు. కాంగ్రెస్హయాంలో మంజూరైన భవనాలను బీఆర్ఎస్మంజూరు చేసినట్లు చెప్పుకోవడం దారుణమన్నారు. తాను ఇక్కడే ఉండి నియోజకవర్గ అభివృద్ధికి పూర్తిస్థాయిలో కృషి చేస్తానని ప్రమాణం చేశారు. నాయకులు నస్పూర్నర్సింగ్, వెంకటేశ్వర్రావు, మాజీ సర్పంచ్చందూలాల్, కుర్మ నర్సయ్య, సిద్ధం బాపు, తిరుపతి, రత్నం ప్రదీప్ తదితరులు ఉన్నారు.
