ఖైరతాబాద్, వెలుగు: హనుమకొండలో నిర్మించిన కళాక్షేత్రానికి ప్రజా యుద్ద నౌక గద్దర్ పేరు పెట్టాలని గద్దర్ గళం ఫౌండేషన్ అధ్యక్షుడు కొల్లూరి సత్తయ్య, ప్రధాన కార్యదర్శి డాక్టర్పసునూరి రవీందర్, సీనియర్ జర్నలిస్ట్పాశం యాదగిరి, సామాజిక వేత్త సమ్మిరెడ్డి ప్రభుత్వాన్ని డిమాండ్ చేశారు.
ప్రజాభవన్కు జ్యోతిరావు ఫూలే, కోఠిలోని విమెన్స్ యూనివర్సిటీకి చాకలి ఐలమ్మ పేర్లు పెట్టడాన్ని స్వాగతించారు. తెలంగాణ సాధనకు నిరంతరం కృషి చేసిన గద్దర్కు ప్రభుత్వం సముచిత స్థానం కల్పించాలన్నారు.
కాళోజీ పేరు హెల్త్ యూనివర్సిటీకి ఉన్నందున కళాక్షేత్రానికి గద్దర్ పేరును పెట్టి తెలంగాణ అమరులైన గూడ అంజయ్య, చుక్క సత్తయ్య, బెల్లి లలిత, వరంగల్శంకర్, సారంగపాణి వంటి కవులు, కళాకారుల విగ్రహాలను ఆవరణలో పెట్టాలని కోరారు.
