గుడ్లు, కూరగాయలు ఉడికించాలి, పాలు కాగపెట్టాలి, వెజిటబుల్, మోమోస్ను ఆవిరికి ఉడికించాలి. సూప్స్, నూడిల్స్, ఉప్మా లేదా అన్నం వండేయాలి. ఈ పనులన్నీ చేసేలా ఒక కుక్కర్ ఉంటే భలే ఉంటుంది కదా! అలాంటిదే ఈ ఎలక్ట్రిక్ మల్టీపర్పస్ కుక్కర్. దీన్ని బ్రేడెన్ కూకో ఎలోర్ మార్కెట్లోకి తెచ్చింది. దీన్ని మల్టీ కుక్కర్గానే కాకుండా స్మార్ట్ కెటిల్లా కూడా వాడుకోవచ్చు. ఇందులో ఉండే స్టీమ్ ర్యాక్ కుక్కర్లా ఉపయోగపడుతుంది.
దీనిలోని కెటిల్ను 304 స్టెయిన్లెస్ స్టీల్ ఫుడ్ గ్రేడ్ మెటీరియల్తో తయారుచేశారు. దానివల్ల స్ట్రాంగ్గా ఉంటుంది. ఎక్కువ రోజులు మన్నుతుంది. ఇందులో వండడం సేఫ్. 1.8 లీటర్ల కెపాసిటీ ఉన్న ఈ కుక్కర్కు గ్లాస్ లిడ్ ఉంది. హ్యాండిల్స్ పట్టుకోవడానికి ఈజీగా ఉంటాయి. వాటిని పట్టుకుంటే వేడి తగలదు. ఆన్, ఆఫ్ బటన్లతో పాటు100 నుంచి 600 వాట్స్ వరకు టెంపరేచర్ని అడ్జస్ట్ చేసుకోవచ్చు. క్లీన్ చేయడం కూడా చాలా ఈజీ. తక్కువ బరువు ఉండే ఈ కుక్కర్ ట్రావెలింగ్కి చాలా బాగా పనికొస్తుంది. పోర్టబుల్గా ఉండటం వల్ల ఎటువెళ్తున్నా క్యారీ చేయడం ఈజీ. ధర: 1,849 రూపాయలు
బేబీ క్యారియర్
కాటన్ బ్రీతబుల్ నెట్ బేబీ క్యారియర్ ఇది. ఏ సీజన్లో అయినా వాడొచ్చు. 90 శాతం కాటన్, పది శాతం స్పాండెక్స్ మెటీరియల్తో తయారుచేసిన దీన్ని లిన్రెక్స్ కంపెనీ మార్కెట్లోకి తెచ్చింది. ఇందులో బేబీని పెట్టి భుజాలకు వేసుకున్న వాళ్లకు, అందులో ఉన్న బేబీకి ఎవరికీ ఇబ్బంది లేకుండా సాఫ్ట్గా ఉంటుంది. ఎలాస్టిక్ ఉంటుంది కాబట్టి ఫ్లెక్సిబుల్గా ఉంటుంది. నాన్ అలర్జిక్. ఇందులో ఉన్న బేబీ హిప్ను క్యారీ చేసే ఫీచర్ను 0.2 అంగుళాల మందమైన కాటన్ ప్యాడింగ్తో తయారుచేశారు.
5.1 వెడల్పాటి ప్యాడెడ్ షౌల్డర్ వల్ల భుజాలకు ఇబ్బంది ఉండదు. బేబీని ఇందులో ఎక్కువసేపు పెట్టి ఎత్తుకున్నా అటు బేబీకి, ఇటు ఎత్తుకున్న వాళ్లకి ఎటువంటి ఇబ్బంది ఉండదు. దీన్ని125–155 సెంటీమీటర్లు లేదా 49–61 అంగుళాల మేర అడ్జస్ట్ చేసుకోవచ్చు. ఇది20.4 కేజీల వరకు బరువు ఆపుతుంది. దీన్ని వాడడం చాలా ఈజీ. ఇది ఎక్స్ట్రా లగేజ్లా ఉండదు. ఎందుకంటే దీన్ని చక్కగా మడతపెట్టి హ్యాండ్బ్యాగ్లో పెట్టుకోవచ్చు. మెషిన్లో వాష్ చేసేయొచ్చు. పనులు చేసుకునేటప్పుడే కాకుండా ఇందులో బేబీని ఉండి పాలు కూడా పట్టొచ్చు. 0–36 నెలల బిడ్డ వరకు ఇది పనికొస్తుంది.
ధర: 699 రూపాయలు
బైక్ల బ్రేక్ లాక్
స్కూటర్లు, బైక్స్ రోడ్డు మీద పెడితే దొంగలు ఎత్తుకుపోయే అవకాశం ఉంటుంది. అలా కాకుండా ఉండాలంటే బైక్ బ్రేక్ లాకింగ్ సిస్టమ్ బెటర్. బ్రేక్ లీవర్తో ఉన్న బైక్ లాకింగ్ సిస్టమ్ను తయారుచేసింది హెట్క్రిషి . హెవీ డ్యూటీ బ్రేక్ లాకింగ్ సిస్టమ్ వల్ల బండికి సేఫ్టీ అన్నట్టు. ప్లాస్టిక్ మెటీరియల్తో తయారుచేసిన ఇది అన్ని రకాల స్కూటర్లకు, మోటార్ సైకిల్స్కు ఉపయోగం. ఈ సేఫ్టీ లాక్ గ్రిప్ సైజ్ 27–38 మిల్లీమీటర్లు. ఫ్రంట్ బ్రేక్ లీవర్కి దీన్ని వేస్తే బైక్ను ముందుకు నెట్టలేరు, సైడ్ స్టాండ్ వేయలేరు. అదే రేర్ బ్రేక్ లీవర్కు వేస్తే వెనక టైర్ తిరగదు. వదులు కాదు. అలాగే క్లచ్ నట్ను టైట్ లేదా లూజ్ చేయడం కూడా కుదరదు. ఈ సేఫ్టీ బైక్ బ్రేక్లాక్స్ కొన్ని రంగుల్లో దొరుకుతాయి.
ధర: 779 రూపాయలు
స్లీపింగ్ ఇయర్ప్లగ్స్
సిలికాజెల్తో తయారుచేసిన ట్రావెల్ ఇయర్ప్లగ్స్ ఇవి. సింపుల్గా చెప్పాలంటే బయటి రణగొణధ్వనులు వినపడకుండా చేసే నాయిస్ క్యాన్సిలింగ్ ఇయర్ ప్లగ్స్ అన్నమాట. డొరాకిట్టెన్ స్లీపింగ్ ఇయర్ప్లగ్స్ను మరోలా కూడా వాడొచ్చు. పిల్లలకు స్నానం చేసేటప్పుడు చెవుల్లోకి నీళ్లు పోకుండా వీటిని పెట్టొచ్చు. అలాగే స్విమ్మింగ్ చేసేటప్పుడు చెవుల్లోకి నీళ్లు పోకుండా వీటిని పెట్టుకోవచ్చు. ఫ్రెండ్స్ లేదా ఫ్యామిలీలో ఎవరికైనా గిఫ్ట్ ఇవ్వాలనుకుంటే ఇవి బెస్ట్ ఆప్షన్. సిలికాజెల్ మెటీరియల్తో తయారుచేసిన వీటి సైజ్ 3 X 2.5 సెంటీమీటర్లు. చీమచిటుక్కుమన్నా నిద్రలేచే వాళ్లు ఈ ఇయర్ ప్లగ్స్ పెట్టుకుంటే హాయిగా నిద్రపోవచ్చు. మరీ ముఖ్యంగా ట్రావెలింగ్లో, చదువుకునేటప్పుడు బాగా పనికొచ్చే అవకాశం ఉంది.
ధర: 220 రూపాయలు
