సీజన్కు సూట్ అయ్యేలా..
సీజన్ మారినప్పుడల్లా ఆ సీజన్కు తగ్గట్టు బట్టలు, చెప్పులు వాడుతుంటారు. అలాగే వాటితోపాటు కొన్ని గాడ్జెట్స్ కూడా సీజన్కు తగ్గట్టే వాడాల్సి వస్తుంది. ఎందుకంటే కొన్ని వస్తువులు వాతావరణంలో మార్పులను తట్టుకుని పనిచేయాలి. అందుకే సీజన్కు తగ్గ గాడ్జెట్స్ మార్కెట్లోకి వస్తుంటాయి. మరింకేం... ఈ మాన్సూన్ వెదర్ని తట్టుకునే గాడ్జెట్స్ వైపు ఒక లుక్కేయండి.
యాక్షన్ కెమెరా
మాన్సూన్లో కూడా వెకేషన్స్కి వెళ్తుంటారు చాలామంది. అలా వెళ్లేవాళ్లు కచ్చితంగా కెమెరా తీసుకెళ్తారు. కానీ, వానలో తడిస్తే పాడవుతుందనే భయం ఉంటుంది. ఆ సమస్యకు చెక్ పెట్టేస్తుంది ఈ కెమెరా. ప్రోకస్ కంపెనీకి చెందిన వైపర్16ఎంపీ, 4కె హెడీ యాక్షన్ కెమెరా ఇది. అరచేతిలో సరిగ్గా సరిపోతుంది. దీంతో ఫొటోలు, వీడియోలు కూడా తీయొచ్చు. చూడ్డానికి స్మార్ట్గా ఉంటుంది. ఎంత దూరంలో ఉన్నా వైఫై కనెక్ట్ అవుతుంది. పిక్చర్ క్వాలిటీ చాలా బాగుంటుంది. వాటర్ ప్రూఫ్ కూడా. ఇందులో నార్మల్ ఫొటోలే కాదు, స్లో మోషన్, లూప్ రికార్డ్, టైమ్ లాప్స్, టైమర్ వంటి స్పెషల్ ఫీచర్స్ కూడా ఉన్నాయి.
ధర : రూ.6,711/–
వాటర్ప్రూఫ్ బ్లూటూత్
ఫోన్ పట్టుకోకుండా మాట్లాడేందుకు వైర్లెస్ ఇయర్ బడ్స్ వాడడం ఫ్యాషన్ అయిపోయింది. బైక్, కార్, బస్ల్లో జర్నీ చేస్తున్నా కూడా చెవిలో ఇయర్ పాడ్స్ ఉండాల్సిందే. కొందరికి అది అవసరం. కానీ, అలాంటివాళ్లకు వానాకాలం వస్తే ఒక ఇబ్బంది. అదేంటంటే... దారి మధ్యలో వర్షం పడితే చెవిలో పెట్టుకున్న ఇయర్ ఫోన్స్ పాడవుతాయి. ఆ ప్రాబ్లమ్కి సొల్యూషనే వాటర్ ప్రూఫ్ బ్లూటూత్ ఇయర్ బడ్స్. ఇవి కూడా వైర్లెస్వే. దీని పేరు స్కైనోట్ ఎఫ్డీ1ఎస్ఎస్ఎస్21 ఎయిర్ పోర్ట్ వాటర్ ప్రూఫ్ స్టీరియో బ్లూటూత్.
ధర : రూ.575/–
ట్రావెల్ పౌచ్
ఎలక్ట్రానిక్ వస్తువులు తడిస్తే పాడవుతాయి. వాటిని వానాకాలంలో ఎంత జాగ్రత్తగా వాడితే అంత బెటర్. లేదంటే ఎంత ఖర్చుపెట్టి కొన్నవైనా ఒక్కదెబ్బతో పాడవుతాయి. అందుకని వాటిని తడవకుండా ఉంచాలి. ఒకవేళ అర్జెంట్గా ఊరికి వెళ్లాల్సి వస్తే వాటర్ ప్రూఫ్ వాడడం బెటర్ ఆప్షన్. కాబట్టి ఫోన్, ట్యాబ్, పెన్ డ్రైవ్, రకరకాల గాడ్జెట్ల ఛార్జర్స్ వంటి ఎలక్ట్రానిక్ వస్తువుల కోసం స్పెషల్గా తయారుచేసిందే ఈ బ్యాగ్. దీని పేరు పోర్టబుల్ జిప్పర్డ్ ఎక్స్టర్నల్ హార్డ్ డ్రైవ్ పౌచ్. లంచ్ బ్యాగ్ సైజ్లో ఉంటుంది. చేత్తో పట్టుకుని వెళ్లడం తేలిక. వాటర్ ప్రూఫ్ బ్యాగ్ కావడం వల్ల దీన్ని డైరెక్ట్గా వానలో తీసుకెళ్లినా పాడుకాదు.
ధర : రూ. 449/–
నాన్ స్టాప్ మ్యూజిక్ కోసం..
దూర ప్రయాణాలు చేసేటప్పుడు బోర్ కొట్టకుండా పాటలు వినే అలవాటు ఉంటుంది చాలామందికి. అయితే, దానికోసం చాలా వరకు వైర్తో కనెక్ట్ చేసిన స్పీకర్లనే వాడతారు. వాటివల్ల అప్పుడప్పుడు షార్ట్ సర్క్యూట్ అయ్యి కాలిపోవడం, షాక్ కొట్టడం వంటి ప్రమాదాలు జరగొచ్చు. అలా జరగకుండా ఉండాలంటే వైర్లెస్, వాటర్ప్రూఫ్ స్పీకర్ వాడితే బెటర్. ఇప్పుడు ఇదే ట్రెండ్ కూడా. పైగా బరువు చాలా తక్కువ. అరచేతిలో పట్టుకునేందుకు వీలుగా ఉంటుంది. వానలో తడిసినా పాడవ్వదు. వైర్లెస్ కాబట్టి, బ్లూటూత్ కనెక్ట్ చేసుకుని మ్యూజిక్ వినొచ్చు. దీన్ని ఇంట్లోనూ వాడొచ్చు. ఫుల్గా ఛార్జింగ్ పెడితే దాదాపు ఆరు గంటలు బ్రేక్ లేకుండా మ్యూజిక్ ఎంజాయ్ చేయొచ్చు. ఇన్ని ఫీచర్స్ ఉన్నాయని ధర ఎక్కువ అనుకుంటున్నారా? దీని ధర తక్కువే.
ధర : రూ. 500/–
