భారత అంతరిక్ష పరిశోధన సంస్థ (ఇస్రొ) చేపట్టిన గగన్ యాన్ మిషన్ కౌంట్ డౌన్ శుక్రవారం సాయంత్రం షార్ రేంజ్ శ్రీహరికోటలో రాత్రి 7.30 గంటలకు ప్రారంభమవు తుంది. 2025లో సొంత రాకెట్తో అంతరిక్షంలోకి తమ వ్యోమగాములను కక్ష్యలోకి తీసుకురావాలని యోచిస్తున్న ఇస్రో.. ఎస్కేప్ సిస్టమ్ ను పరీక్షించడంలో భాగంగా ఫ్లైట్ టెస్ట్ వెహికల్ అబార్ట్ మిషన్-1(TV D1) ఫ్లైట్ను శనివారం (అక్టోబర్21) ఉదయం 8 గంటలకు అంతరిక్షంలోకి పంపనుంది. నాలుగు టెస్ట్ ఫ్లైట్ లలో ఇది మొదటిది అని ఇస్రో చైర్మన్ ఎస్.సోమనాథ్ తెలిపారు.
శనివారం ఉదయం 8.00 గంటలకు ఫస్ట్ లాంచ్ ప్యాడ్ నుంచి స్వల్పకాలిక మిషన్ ప్రయోగం జరుగుతుందని.. మొత్తం మిషన్ 531 సెకన్లు (సుమారు తొమ్మిది నిమిషాలు) సాగుతుందని భారత అంతరిక్ష పరిశోధనా సంస్థ (ఇస్రో) వర్గాలు తెలిపాయి.ఈ ఫ్లైట్ టెస్ట్ మొత్తం గగన్యాన్ కార్యక్రమంలో ఒక ప్రధాన మైలురాయిని సూచిస్తుంది. ఇది అంతరిక్షంలోకి భారతదేశం మొట్టమొదటి మానవ సహిత మిషన్ అవుతుంది.
35 మీటర్ల పొడవు గల లిక్విడ్ ప్రొపెల్డ్ సింగిల్ స్టేజ్ టెస్ట్ వెహికల్ దాదాపు 44 టన్నుల బరువుతో 4,520 కిలోల క్రూ మాడ్యూల్ (CM)తో సవరించిన వికాస్ ఇంజన్‌ను ఉపయోగిస్తుంది. - ఒకే గోడతో కూడిన ఒత్తిడి లేని అల్యూమినియం నిర్మాణం- ఉంటుంది. దాని ముందు చివర CES అమర్చబడి ఉంటుంది.
ఫస్ట్ లాంచ్ ప్యాడ్ నుంచి లిఫ్ట్ ఆఫ్ అయినప్పటి నుంచి శ్రీహరికోట నుండి 10 కి.మీ దూరంలో సముద్రంలో ఉన్న క్రూ మాడ్యూల్ టచ్‌డౌన్ వరకు మొత్తం ప్రయోగ క్రమం పారాచూట్‌ల విస్తరణతో 531 సెకన్ల పాటు ఉంటుంది" అని ఇస్రో తెలిపింది.లిఫ్ట్ ఆఫ్ అయిన 60 సెకన్ల తర్వాత టెస్ట్ వెహికల్, క్రూ ఎస్కేప్ సిస్టమ్ 11.7 కి.మీ ఎత్తులో వేరు చేయబడుతుందని, మరో 30 సెకన్ల తర్వాత CM-CES 148.7 వేగంతో 16.7 కి.మీ ఎత్తులో వేరు చేయబడుతుందని పేర్కొంది.
శ్రీహరికోట నుంచి 10 కిలోమీటర్ల దూరంలో సముద్రంలో క్రూ మాడ్యూల్ (CM) స్ప్లాష్ చేస్తారు. రికవరీ షిప్ ల ద్వారా భారత నావికాదళం సేకరిస్తుంది.
Mission Gaganyaan:
— Chairman ISRO / Chief - DOS ?? parody (@isrochairman) October 20, 2023
TV-D1 Test Flight
The test flight can be watched LIVE
from 0730 Hrs. IST
on October 21, 2023
at https://t.co/iCEAhrfNEGhttps://t.co/jUoYWrJJug
YouTube: https://t.co/FUqDAj7qqu…
DD National TV@DDNational#Gaganyaan pic.twitter.com/EFGj3RDaEQ
