- కార్గిల్, సియాచిన్ సహా 77 యుద్ధ క్షేత్రాలు చూడొచ్చు
- భారత్ రణభూమి దర్శన్ పేరిటవెబ్సైట్ లాంచ్
న్యూఢిల్లీ: ఇప్పటివరకు సైన్యానికి మాత్రమే ఎంట్రీ ఉన్న మన దేశ బార్డర్లు, యుద్ధక్షేత్రాలు ఇప్పుడు సాధారణ ప్రజలకు కూడా వెల్కమ్ చెప్తున్నాయి. కార్గిల్, సియాచిన్, గల్వాన్, డోక్లామ్, రాజస్థాన్లోని లాంగేవాలా, అరుణాచల్ ప్రదేశ్లోని కిబితూ, బమ్లాతోసహా మొత్తం 77 చారిత్రక యుద్ధభూమి ప్రాంతాలను సందర్శించేందుకు టూరిస్టులకు అవకాశం కల్పిస్తోంది. బార్డర్లు, బ్యాటిల్ఫీల్డ్స్ ను ప్రతిఒక్కరూ సందర్శించేలా కేంద్ర ప్రభుత్వం రణభూమి దర్శన్ను ప్రారంభిస్తోంది. 77వ ఆర్మీ డేను పురస్కరించుకుని టూరిజం శాఖతో కలిసి రక్షణ మంత్రిత్వ శాఖ రణభూమి దర్శన్ వెబ్సైట్ను లాంచ్ చేయనుంది. ఇందులో పర్యాటకుల కోసం తెరిచే 77 యుద్ధ ప్రాంతాలకు సంబంధించిన వివరాలు, సందర్శించేందుకు అనుమతులు, ఎలా పర్యటించాలి, ప్రయాణ సౌలత్లు, ఇతర అవసరాలతో పాటు యుద్ధ స్మారక ప్రాంతాలు.. చిహ్నాలకు సంబంధించిన అన్ని వివరాలను ఈ వెబ్సైట్లో పొందుపర్చనున్నారు. ‘‘బార్డర్లను, బ్యాటిల్ఫీల్డ్స్ను పర్యాటక ప్రాంతాలుగా మారుస్తున్నం. దీనిద్వారా వీరుల శౌర్యాన్ని, మాతృభూమి కోసం వీర సైనికులు పోరాడిన యుద్ధక్షేత్రాలను దగ్గరగా చూసే అవకాశం కల్పిస్తున్నం”అని ఇండియన్ ఆర్మీ ట్వీట్ చేసింది.
