గ్లోబల్ స్టార్ రామ్ చరణ్ విలక్షణ దర్శకుడు శంకర్ డైరెక్ట్ చేస్తున్న గేమ్ ఛేంజర్ సినిమాలో హీరోగా నటిస్తున్న విషయం తెలిసిందే. ఈ సినిమాని పొలిటికల్ డ్రామా బ్యాక్ డ్రాప్ లో శంకర్ తెరకెక్కిస్తుండగా ప్రముఖ సినీ నిర్మాత దిల్ రాజు దాదాపుగా రూ.350 కోట్ల బడ్జెట్ తో నిర్మిస్తున్నాడు. ఈ సినిమాలో ఎస్.జె సూర్య, నవీన్ చంద్ర, అంజలి, సముద్రఖని, శ్రీకాంత్, సునీల్ తదితరులు ప్రధాన తారాగణంగా నటిస్తున్నారు.
అయితే ఈరోజు గేమ్ ఛేంజర్ టీజర్ ప్రోమోని చిత్ర యూనిట్ యూట్యూబ్ లో రిలీజ్ చేశారు. అయితే ఈ ప్రోమోలో రామ్ చరణ్ లుక్ ని రివీల్ చేయలేదు. కానీ పవర్ ఫుల్ హెలికాప్టర్ షాట్, అలాగే ఫైట్ సీన్స్ తో ప్రోమో అదిరింది. దీంతో ప్రస్తుతం ఈ ప్రోమో యూట్యూబ్ లో టాప్ లో ట్రెండ్ అవుతోంది.
ఈ విషయం ఇలా ఉండగా గేమ్ ఛేంజర్ టీజర్ ని నవంబర్ 10న రిలీజ్ చేస్తున్నట్లు ఇటీవలే చిత్ర యూనిట్ ప్రకటించారు. ఈ క్రమంలో యూపీలోని లక్నో లో టీజర్ లాంచ్ ఈవెంట్ ని గ్రాండ్ గా ప్లాన్ చేస్తున్నారు. ఇక ఈ సినిమా వచ్చే ఏడాది సంక్రాంతి కానుకగా జనవరి 10న రిలీజ్ కాబోతోంది. అయితే రామ్ చరణ్ ఇమేజ్, శంకర్ డైరెక్షన్, నిర్మాత దిల్ రాజు మార్కెటింగ్ స్ట్రాటజీ వీటన్నింటినీ బేస్ చేసుకుని గేమ్ ఛేంజర్ సినిమా దాదాపుగా రూ.1000 కోట్లు కలెక్ట్ చేయబోతుందని ట్రేడ్ వర్గాలు అంచనా వేస్తున్నాయి.
