రామ్ చరణ్, కియారా అద్వానీ జంటగా శంకర్ దర్శకత్వంలో రూపొందుతున్న క్రేజీ ప్రాజెక్ట్ ‘గేమ్ చేంజర్’. దిల్ రాజు భారీ బడ్జెట్‌‌తో నిర్మిస్తున్నారు. సంక్రాంతి సందర్భంగా జనవరి 10న వరల్డ్‌‌వైడ్‌‌గా సినిమా విడుదల కానుంది. ఇప్పటికే విడుదలైన టీజర్, రెండు సాంగ్స్ సినిమాపై అంచనాలు పెంచాయి. తాజాగా మూడో పాటకు ముహూర్తం ఫిక్స్ చేశారు. న్యూజిలాండ్‌‌లో రామ్ చరణ్, కియారాలపై షూట్ చేసిన ఈ మెలోడీ సాంగ్‌‌ను నవంబర్ 28న రిలీజ్ చేయబోతున్నట్టు ప్రకటించారు.
ఈ అప్డేట్ ఇస్తూ వదిలిన పోస్టర్‌‌‌‌లో రామ్ చరణ్, కియారా కూల్‌ లుక్‌‌లో కనిపిస్తూ ఇంప్రెస్ చేస్తున్నారు. పొలిటికల్ థ్రిల్లర్‌‌‌‌గా తెరకెక్కుతోన్న ఈ చిత్రంలో రామ్ చరణ్ డ్యూయెల్ రోల్‌‌లో నటిస్తున్నాడు. అందులో ఒకటి ఐఎఎస్‌‌ఆఫీసర్‌‌‌‌పాత్ర కాగా, మరొకటి ప్లాష్‌‌బ్యాక్ సీన్స్‌‌లో వచ్చే పొలిటీషియన్ పాత్ర అని తెలుస్తోంది. ఎస్‌ జే సూర్య, జ‌‌యరామ్‌, అంజ‌‌లి, సునీల్, శ్రీకాంత్‌, న‌‌వీన్ చంద్ర కీలక పాత్రలు పోషిస్తున్నారు. తమన్ సంగీతం అందిస్తున్నాడు.
